Fjalori

Rezultate në përkufizime për “diagonal”

Mëso si ta përdorësh
<<< Kthehu te kërkimi kryesor në fjalor

AKROSTIK

AKROSTÍK,~UI m. sh. ~Ë, ~ËT let. Krijim poetik, në të cilin shkronjat e para, ndonjëherë edhe ato të fundit të çdo vargu, krijojnë bashkë një fjalë, një emër të dikujt ose një porosi. Akrostik vertikal (diagonal). Akrostik përkushtues. Akrostik i koduar.

BILIAR

BILIÁR,~E mb. 1. mjek. Tëmthor, i tëmthit. Proces biliar. Sistemi biliar. Gurët biliarë. Infeksione biliare.
2. libr. I tërthortë; diagonal.

DEGËRME

DEGËRMÉ ndajf., vjet. 1. Diagonal, skaj më skaj. I vendosi degërme.
2. Shtrembër, jo drejt; jo në vijë të drejtë; kund. drejt. E preu degërme.

DIAGONAL

DIAGONÁL,~E mb. 1. gjeom. Që ndan në mënyrë të tërthortë një figurë, një rrafsh ose një trup, duke bashkuar dy kulme jo të njëpasnjëshme; që kalon sipas një diagonaleje; që bëhet në këtë drejtim. Vijë diagonale. Kënd diagonal. Faqe diagonale. Plan diagonal. Drejtim diagonal. Prerje diagonale.
2. fig. Që bëhet tërthorazi, shpejt e përciptas. Lexim diagonal.

DOK

DOK,~UI m., tekst. Pëlhurë e dendur prej pambuku, që përdoret sidomos për veshje të lehta verore ose për rroba pune. Dok i ngjyrosur. Dok i gomuar. Dok diagonal dok i thurur me fije që kalojnë në mënyrë të tërthortë. Pantallona (xhaketë, kostum, rroba) doku. Vishet me dok.

PËRCEPTË

PËRCÉPTË (i, e) mb. Që bashkon dy cepa të diçkaje, që janë përballë njëri-tjetrit; diagonal.

PËRKRYQTË

PËRKRÝQTË (i, e) mb. 1. Që është në trajtë kryqi.
2. I kryqëzuar.
3. Që i bie kryq diçkaje nga diçka, diagonal, i tërthortë. Kanali kullues ishte i përkryqtë.
✱Sin.: i kryqtë, i kryqëzuar, diagonal, i tërthortë.

SHTRESËZIM

SHTRESËZÍM,~I m. sh. ~E, ~ET 1. Shtresim.
2. spec. Të qenët shtresa-shtresa, përbërja prej shtresash; mënyra e vendosjes së këtyre shtresave. Shtresëzim i pjerrët (i kryqëzuar, paralel, diagonal). Shtresëzimi i formacioneve. Shtresëzimi i atmosferës.

TRESTË

TRÉSTË (i, e) mb. Që bashkon dy kënde të një shumëkëndëshi; diagonal.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë