Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PADHUNUESHMËRÍ,~A f., drejt. 1. Të qenët i padhunueshëm; vetia e diçkaje që është e padhunueshme, paprekshmëri. Padhunueshmëria e kufijve. Padhunueshmëri tokësore. Padhunueshmëria e banesës.
2. E drejta që gëzon me ligj diçka për të mos u dhunuar; imunitet. Padhunueshmëria e personit.
✱Sin.: paprekshmëri, pacenueshmëri, imunitet.
POSHTËRÚAR (i, e) mb. 1. Që është poshtëruar para të tjerëve, që e ka humbur emrin e mirë, që nuk e nderojnë më. E ndiente veten të poshtëruar.
2. bised. I mundur, i mposhtur.
✱Sin.: i fyer, i zhburrnuar, i shkarëzyer, i përbythur, i turpëruar, i nëpërkëmbur, i njollosur, i dhunuar, i baltosur, i damkosur, i mundur, i mposhtur, i telendisur.
PËRDHÓSUR (i, e) mb. 1. Që është fëlliqur, i ndyrë; i përlyer. Vend i përdhosur. Kashtë e përdhosur.
2. fig. Që ka humbur vetitë e mira, virtytet e larta morale, i prishur, i zvetënuar; i bastarduar. Agjentë të përdhosur të pushtuesve.
3. si em. m. e f. Sipas kuptimeve të mbiemrit. I përçudnuari dhe i përdhosuri. Me sjelljen e një të përdhosuri nga këpuca e shefit. Të përdhosurit e kohëve tona. E do të shenjtërojmë të përdhosurit me lutje.
✱Sin.: i ndotur, i përlyer, i fëlliqur, i njollosur, i zvetënuar, i prishur, i përçudnuar, i ndyrë, i vdjerrë, i çoroditur, i shthurur, i bastarduar, i dhunuar.
PËRDHUNÚAR (i, e) mb. 1. Që ka bërë diçka kundër dëshirës e vullnetit të tij, i shtrënguar me forcë nga dikush; i dhunuar. Nxënës të dhunuar. Punonjës të dhunuar.
2. Që është penetruar seksualisht me dhunë e pa dëshirën e pëlqimin e tij; i çnderuar. Emigrante të përdhunuara. Djem të përdhunuar. Fëmijë të përdhunuar.
3. Që është penetruar seksualisht kur ka qenë i pavetëdijshëm ose kur vuan nga një sëmundje psikike etj.; i abuzuar. E sëmurë e përdhunuar.
4. fig. Që është shkelur dhe është marrë nëpër këmbë; i nëpërkëmbur. Varr i përdhunuar. Të drejta të përdhunuara.
5. fig. Që nuk është ndërtuar sipas rregullave a normave të caktuara; që nuk është më në natyrën e vet, jo i natyrshëm. Vargje të përdhunuara.
✱Sin.: i çnderuar, e zhvirgjëruar, i çnjerëzuar, i dhunuar, i turpëruar, i prishur, i shtrënguar, i shkelur, i nëpërkëmbur.
VANDALIZÚAR (i, e) mb. 1. Që është vandalizuar; që është rrënuar e prishur gjithçka, që është vandalizuar. Monumente të vandalizuara. Pronë e vanalizuar.
2. Që është përdorur dhunë e egër, e pamëshirshme dhe terrori ndaj njerëzve, që janë masakruar. Njerëz të vandalizuar. Popullsi e vandalizuar.
✱Sin.: i dhunuar, i terrorizuar, i masakruar, i shkatërruar.
ÇNJERËZÍSHËM ndajf. Panjerëzisht; kund. njerëzishëm. Besimin tonë po e keqpërdorni çnjerëzishëm. Ai është ankuar se është dhunuar çnjerëzishëm.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë