Fjalori

Rezultate në përkufizime për “dhjamtë”

Mëso si ta përdorësh
<<< Kthehu te kërkimi kryesor në fjalor

ADIPOZ

ADIPÓZ,~E mb., mjek. Që ka të bëjë me adipozën; që ka peshë të madhe, që karakterizohet me shkallë të lartë të indit dhjamor, që është me mbipeshë. Grua adipoze. Shenjat adipoze.
✱Sin.: i majmë, dhjamor, i dhjamur, i dhjamosur, i dhjamtë, i dhjamshëm, dhjamosh, obez.

BUALKË

BUÁLK/Ë,~AI f., bised. Cipë e dhjamtë që vesh plëndësin nga jashtë.

DHJAMOR

DHJAMÓR,~E mb. 1. Që përmban dhjamë, që është me dhjamë; që përbëhet a që formohet prej dhjamit. Shtresë dhjamore. Qelizë dhjamore. Ind dhjamor. Gjëndër dhjamore. Pllakëza dhjamore në paretet e brendshme të arterieve.
2. Që merret nga dhjami, që prodhohet nga dhjami; që është prej dhjami; i dhjamtë. Sapun dhjamor.

DHJAMOSH

DHJAMÓSH,~E mb. Që është plot tul e dhjamë, që ka dhjamë. Dorë dhjamoshe. Fytyrë dhjamoshe e skuqur. Turiste dhjamoshe.
✱Sin.: i dhjamët, i dhjamtë, i dhjamëzuar, i dhjamshëm.

DHJAMTË

DHJÁMTË (i, e) mb. 1. Që bëhet me dhjamë, prej dhjami. Qiri i dhjamtë.
2. I dhjamur. Mish i dhjamtë. Peshqit e dhjamtë janë të pasur me Omega 3. Riza e dhjamtë që mbështjell zorrët.

MAJMË

MÁJM/Ë (i), ~E (e) mb. 1. Që është ushqyer mirë dhe ka vënë mish e dhjamë, i dhjamur, i ngjallur, i shëndoshur shumë. Viç i majmë. Qengj i majmë. Patok i majmë. Lopë (dhi, pula) të majme.
2. Që ka dhjamë, që është me dhjamë, i dhjamur. Mish i majmë. Peshk i majmë. Zorra e majme (bised.) zorra e trashë.
3. Që ka vëllim të madh, i trashë nga përmasat. Sapun i majmë.
4. Që prodhon shumë (për tokën), pjellor, i shëndoshë. Dheu aty ishte i majmë. Tokë e majme. Vend i majmë.
5. fig., bised., keq. Që ka vënë shumë pasuri, i pasur, pasanik. Shtresat e majme.
6. fig., bised. Shumë i madh (për shuma të hollash a për të ardhurat). Rrogë e majme. Shumë e majme. Fitim i majmë. Shpërblim i majmë. Marr bonus të majmë.
✱Sin.: i dhjamur, i dhjamtë, i dhjamosur, dhjamosh, i dhjamshëm, i ngjallur, i shëndoshur, i fryrë, i trashë, majmok, pjellor, i pasur, pasanik, i madh.
♦*Pula e botës i duket më e majme (patë) (dikujt).

MESË

MÉS/Ë,~A f. sh. ~A, ~AT 1. Cipa e hollë që mbështjell të bardhën e vezës; cipa e hollë që mbështjell fletët e qepës, thelpinjtë e hudhrave, të arrave etj.; lëmazë. E hollë si mesë qepe. I qëroj mesën.
2. Ajka e qumështit.
3. Riza e dhjamtë që mbështjell plëndësin e zorrët e berrit, të kecit etj.; cipa që mbështjell një organ. Mesa e barkut. Mesa e truve.
4. Lëkurë e hollë. Mesa e pulës së pjekur.
✱Sin.: cipë, membranë, vëmesë, lëkurës, lëmazë, lëmesë, rizë, angërr, ajkë.

RIZË

RÍZ/Ë,~A f. sh. ~A, ~AT 1. Peshqir me push për të fshirë fytyrën. Fshij fytyrën (buzët, duart) me rizë.
2. Pëlhurë zakonisht e qëndisur, që vënë gratë në kokë; shami koke e madhe. Rizë e bardhë (e zezë). Rizë koke. Mban rizë. Lidh (vë, heq) rizën.
3. Cipa e dhjamtë që mbështjell organet e zgavrës së barkut të kafshëve. I hoqi rizën.
✱Sin.: napë, çember, peshqir, flamur.

VJAMTË

VJÁMTË (i, e) mb. I dhjamtë.

XHELA

XHELÁ,~JA f. Lëndë e dhjamtë, që përdoret për t’i dhënë shkëlqim syprinës së këpucëve prej lëkure. Xhela e bardhë. Xhela pa ngjyrë (me ngjyrë). Lyej me xhela. Shkëlqen nga xhelaja.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë