Fjalori

Rezultate në përkufizime për “dheshëm”

Mëso si ta përdorësh
<<< Kthehu te kërkimi kryesor në fjalor

DHERTË

DHÉRTË (i, e) mb., libr. 1. Që është prej dheu. Enë të dherta.
2. I kësaj toke, tokësor. Njeri i dhertë.
✱Sin.: tokësor, i dheshëm.

DHESHËM

DHÉSH/ËM (i), ~ ME (e) mb. 1. Që lidhet me dheun, që i përket dheut, tokësor. Ai nuk është mbret i dheshëm. Ku çlodhen të dheshmit, i fundmi dhe i pari.
2. fet. Që karakterizohet nga dobësia e natyrës njerëzore, e cila e shtyn të mëkatojë; kund. qiellor. Njeriu i dheshëm të mos tmerrojë më askënd. Mos mendoni për gjëra të dheshme! Njeriu i dheshëm jeton me natyrën e tij mëkatare.
✱Sin.: tokësor, i dhertë, mëkatar, i dobët.

TOKËSOR

TOKËSÓR,~E mb. 1. Që ka të bëjë me Tokën si planet, që i përket Tokës, i Tokës. Lëmshi tokësor. Korja tokësore. Rrethi tokësor. Gjysmërruzujt tokësorë. Tërheqja tokësore.
2. Që ka të bëjë me tokën, e cila punohet dhe mbillet me bimë bujqësore, që i përket kësaj toke; që ka të bëjë me vendin, të cilin e ka dikush dhe e përdor për diçka. Prona tokësore. Renta (taksa) tokësore.
3. Që jeton, që lëviz a që ndodhet në tokë Kafshë tokësore. Flora (fauna) tokësore. Bota bimore (shtazore) tokësore.
4. Që bëhet me anë të tokës, që bëhet në tokë a nëpërmjet tokës. Sulm tokësor. Mjete tokësore. Transporti tokësor. Me rrugë tokësore.
5. Që ka të bëjë me një vend a truall të caktuar, që i përket një territori të caktuar a që lidhet me të; territorial. Tërësia tokësore. Hapësira tokësore. Ujërat tokësore. Forca tokësore. Paprekshmëria tokësore.
6. Që lidhet me tokën në tërësi a me një pjesë të caktuar të saj. Lëkundje tokësore. Shkarje (shembje) tokësore.
7. Që i takon botës sonë, që është i botës reale; që është marrë nga jeta, që pasqyron jetën dhe i përgjigjet së vërtetës, që është a që bëhet si në jetë, jetësor. Heronj tokësorë. Ndjenja tokësore. Jetë tokësore.
✱Sin.: territorial, i dheshëm, jetësor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë