Fjalori

Rezultate në përkufizime për “dhemburi”

Mëso si ta përdorësh
<<< Kthehu te kërkimi kryesor në fjalor

DHEMBSHURI

DHEMBSHURÍ,~A f. Të qenët i dhembshur; ndjenja që njeriu i dhembshur ka për ata që i do a që i dhimbsen; të qenët i dhembshur. Dhembshuria e nënës (e babait, e prindërve, e fëmijëve). Me (pa, plot) dhembshuri. Ndjenjë dhembshurie. S’ka dhembshuri. Ki mëshirë për mua sipas madhësisë së dhembshurisë sate.
✱Sin.: zemërbutësi, dhimbsuri, dhemburi, përdëllim, dhembje, dhembshurim.

DHEMBSHURIM

DHEMBSHURÍM,~I m., libr. Ndjenja që përjeton kur dhembshuron dikë.
✱Sin.: dhembshuri, zemërbutësi, dhimbsuri, dhemburi.

DHEMBURI

DHEMBURÍ,~A f. Dhembshuri. Me dhemburi të madhe. Nuk kisha më dhemburi as për veten. E shikoi me dhemburi.

GJYNAH

GJYNÁH,~U m. sh. ~E, ~ET 1. Shkelje e rregullave dhe e kërkesave të fesë myslimane; mëkat. Bëj gjynah. Laj gjynahet. Hyj në gjynah.
2. bised. Gabim; faj. Gjynahet e kësaj pune. Ndreq gjynahet e tjetrit.
3. bised. Dhembshuri; keqardhje. Ka gjynah. I vjen gjynah.
4. bised. Diçka e keqe, e dëmshme ose që nuk duhet bërë. Gjynah të qahesh je shumë mirë, nuk duhet të qahesh.
5. Mëshirë. Është bërë për gjynah, i shkreti.
✱Sin.: qesar, pasaktësi, gabim, faj, zemërbutësi, dhimbsuri, dhemburi, keqardhje, mëshirë, shpirtbutësi.
♦ Hyri në gjynah (dikush) bëri një gabim që dëmton dikë; akuzoi dikë kot për një faj a për një gabim që nuk e ka bërë ose për diçka që nuk është e sigurt; ra në mëkat (me dikë); i hyri në hakë (dikujt). Lan gjynahet (dikush) shpaguan fajet e padrejtësitë që ka bërë, po merr dënimin sipas fajeve. U bë për gjynah për mëshirë.

ZEMËRBUTËSI

ZEMËRBUTËSÍ,~A f. Të qenët zemërbutë, vetia e njeriut zemërbutë; dhembshuri, mëshirë. Zemërbutësia e nënës. Sillet me zemërbutësi. Gjeti zemërbutësi në sytë e këtij njeriu. Sa e madhe është zemërbutësia. Duke qortuar me zemërbutësinë e një nëne. Përfituan nga zemërbutësia e tyre.
✱Sin.: zemërdhembshuri, dhembshuri, shpirtbutësi, shpirtdhembshuri, dhemburi, mëshirë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë