Fjalori

Rezultate në përkufizime për “dergjje”

Mëso si ta përdorësh
<<< Kthehu te kërkimi kryesor në fjalor

DERGJJE

DÉRGJJ/E,~A f. sh. ~E, ~ET 1. Gjendja kur dergjem; gjendja e njeriut që rri shtrirë në shtrat për shkak të një sëmundjeje të rëndë, lëngimi në shtrat. Dergjja e të sëmurit. U ngrit nga dergjja.
2. keq. Qëndrimi shtrirë e pa lëvizur në një vend për një kohë të gjatë; qëndrim pa bërë asnjë punë; e ndenjura kot. Dergjja në krevat tërë ditën në rroba.
3. Qëndrimi dhe vuajtja në burg a në internim; rrojtja e vuajtja në mërgim për një kohë të gjatë. Dergjja në burg (në internim, në dhe të huaj).
4. fig. Qëndrimi ose qenia e dikujt për një kohë të gjatë në gjendje të keqe, kur asnjeri nuk kujdeset për të; mbetja në mëshirën e fatit. Dergjje në shi e në diell. Dergjje në padije.
5. Dergjë. Dergjje e gjatë (e rëndë).

DERGJUR

DÉRGJUR,~IT (të) as. Dergjë, lëngatë, lëngim, dergjje.

DJERGËNI

DJERGËNÍ,~A f. 1. Qëndrimi për një kohë të gjatë në shtrat nga një sëmundje etj.; dergjë, dergjje. Qëndroi në djergëni për shumë kohë.
2. Koha e lehonisë. Grua në djergëni.

LËNGIM

LËNGÍM,~II m. sh. ~E, ~ET 1. Gjendja kur lëngon për një kohë të gjatë nga një sëmundje e rëndë, dergjë e zgjatur trupore. Lëngim i rëndë. Lëngim shekullor.
2. fig. Vuajtje e madhe shpirtërore, mundim i thellë e i vazhdueshëm, lëngatë3. Lëngimi i popullit nën zgjedhë të huaj nuk harrohet.
✱Sin.: vuajtje, lëngesë, dergjje, regjje, mundim, brengë

PREHJE

PRÉHJ/E,~A f. 1. Veprimi kur preh ose kur prehem.
2. Gjendja kur prehem.
3. Pushim; qetësi. Prehje shpirtërore. S’gjente prehje. Iu prish prehja.
4. Vendi ku prehet dikush. Ai vend ishte prehja e kaprojve.
✱Sin.: pushim, çlodhje, rehatim, rehati, qetësim, qetësi, dergjje, vendvarrim, fashë, prajë, karar, argëtim, kënaqësi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë