Fjalori

Rezultate në përkufizime për “denigrim”

Mëso si ta përdorësh
<<< Kthehu te kërkimi kryesor në fjalor

DENIGRIM

DENIGRÍM,~I m. sh. ~E, ~ET libr. Veprimi kur denigroj dikë a diçka a kur denigrohem; errësim, zvogëlim a ulje me qëllim e vlerave të dikujt a të diçkaje; nxirje, sharje e rëndë. Denigrimi i njerëzve (i drejtuesve). Denigrimi i parimeve (i vlerave). Denigrimi i sukseseve. Denigrim hakmarrës (amoral).
✱Sin.: zhvlerësim, zhvleftësim, ulje, njollosje, poshtërim, nxirosje, nxirim.

NXIRJE

NXÍRJ/E,~A f. 1. Veprimi kur nxij apo kur nxihem; kund. zbardhje. Nxirja e mureve. Nxirja e jetës (e realitetit).
2. sh. ~E, ~ET Vend i nxirë; ngjyra e errët që ka marrë dikush nga dielli; njollë e zezë në diçka. I iku nxirja. Nuk ikën nxirja nga pantallonat.
✱Sin.: nxirim, nxirosje, errësim, shtrembërim, njollosje, denigrim, poshtërim, zymtim, ngrysje.

ZHVLERËSIM

ZHVLERËSÍM,~I m. sh. ~E, ~ET 1. Rënie e vlerës së një monedhe, të një valute, të një malli etj.; pakësimi i vlerës së diçkaje ose ulja e çmimit të saj; kund. vlerësim. Zhvlerësimi i lekut (i euros, i dollarit, i paundit). Zhvlerësimi i mallit. Zhvlerësimi i tokës. Ka nisur zhvlerësimi i prodhimeve bujqësore. Humbjet nga zhvlerësimi. Për të mos lejuar ndonjë zhvlerësim të mëtejshëm.
2. Veprimi kur bëj të pavlefshëm një vendim, një marrëveshjeje etj.; kur e quaj si diçka të parëndësishme a kur nuk e marr parasysh; shfuqizim; kund. vlerësim. Zhvlerësimi i kontratës. Zhvlerësoi marrëveshjen. Koha i ka zhvlerësuar idetë e tyre.
3. fig. Zvogëlimi a ulja me qëllim e vlerave të dikujt a diçkaje; denigrim. Zhvlerësimi i konkurentit (i vetvetes). Zhvlerësimi i informacionit. Për të shmangur zhvlerësimin e ndonjë tradite.
✱Sin.: zhvleftësim, ulje, zvogëlim, denigrim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë