Fjalori

Rezultate në përkufizime për “delegate”

Mëso si ta përdorësh
<<< Kthehu te kërkimi kryesor në fjalor

DELEGATE

DELEGÁT/E,~JA f. sh. ~E, ~ET 1. Përfaqësuese e zgjedhur nga një grup i madh njerëzish ose nga një organizatë, parti politike etj. për të marrë pjesë në një ngjarje të caktuar, në një mbledhje, konferencë apo në diçka tjetër të ngjashme. Delegatet e kongresit. Delegatet e rrethit të Tiranës. E zgjodhën delegate.
2. Anëtare e një delegacioni. Pritën delegatet.

DELEGUAR

DELEGÚAR,~A (e) f. sh. ~A, ~AT (të) Ajo që është dërguar si delegate në një ngjarje të caktuar, në një mbledhje, konferencë a diçka tjetër të ngjashme, nga një institucion etj. si përfaqësuese e ngarkuar me një detyrë të caktuar; e dërguar. Foli e deleguara.
✱Sin.: e dërguar, përfaqësuese, delegate.

KONGRESMENE

KONGRESMÉN/E,~IA f. sh. ~E, ~ET zyrt. Përfaqësuese e zgjedhur a delegate në një kongres; anëtare e kongresit; kongresiste. Kongresmene demokrate.

PËRFAQËSUESE

PËRFAQËSÚES/E,~JA f. sh. ~E, ~ET 1. Ajo që flet e vepron në emër të dikujt; ajo që përfaqëson e mbron të drejtat dhe interesat e një shteti, të një organizate, të një grupi njerëzish etj. Përfaqësuese e minoriteteve. Përfaqësuese e dikasterit.
2. Ajo që shpreh mendimet, vullnetin dhe dëshirat e një grupi njerëzish. Përfaqësueset e grave të dhunuara.
3. Ajo që paraqit në veprimtarinë a në veprën e vet tiparet themelore të një rryme ideologjike, politike etj., të një drejtimi shkencor, artistik etj. Përfaqësuese tipike e postmodernizmit.
4. drejt. Ajo që është e ngarkuar të veprojë në gjyq në emër dhe në interes të një tjetri. Përfaqësuese ligjor.
5. sport. Skuadër përfaqësuese. Përfaqësuesja e Shqipërisë në finalet e kampionatit evropian të futbollit.
✱Sin.: zëdhënëse, zëvendëse, delegate, kombëtare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë