Fjalori

Rezultate në përkufizime për “dekoracion”

Mëso si ta përdorësh
<<< Kthehu te kërkimi kryesor në fjalor

DEKOR

DEKÓR,~I m. sh. ~E, ~ET 1. teatër. Tërësia e orendive, e pikturave dhe e mjeteve të tjera që vendosen në skenë për të paraqitur vendin a mjedisin ku zhvillohet ngjarja në një vepër dramatike; pajisja e skenës së një teatri etj. me këto mjete sipas nevojës. Dekor klasik. Dekor i thjeshtë (i bukur, i goditur). Dekori i aktit të parë. Përgatit dekorin.
2. libr. Çdo gjë që shërben për të zbukuruar një sallë a një dhomë, një ndërtesë, një qytet etj.; zbukurim. Dekori i festës. Dekori i pallatit. Dekori i qytetit. Dekor kombëtar.
3. Stoli. Dekoret e qafës.
✱Sin.: zbukurim, butafori, dekoracion.

HIDHE

HÍDH/E,~JA f. sh. ~E, ~ET 1. bot. (lat. Aconitum) Bimë barishtore shumëvjeçare, jashtëzakonisht helmuese, që rritet në zona malore dhe në toka me lagështi, me kërcell të gjatë, me lule karakteristike në formë kapuçi, me ngjyrë blu, vjollcë, të bardhë, të verdhë dhe rozë; helmi i ujkut; helmi i murgut; aconitina.
2. bot. Pjesë e parë e disa emërtimeve të pathjeshta për lloje të ndryshme hidhjesh. Hidhja antore (lat. Aconitum anthora) bimë shumë helmuese me ngjyrë të verdhë, rrënja e së cilës përmban sasi të madhe kripe të avullueshme dhe vaj esencial, e përhapur kryesisht në male. Hidhja dimërore (lat. Eranthis hyemalis) bimë barishtore shumëvjeçare, që nuk është helmuese, me lule të mëdha, me ngjyrë të verdhë, në formë kupe, të mbajtura nga poshtë nga disa gjethe në formë jake, që shfaqet në fund të dimrit dhe në fillim të pranverës. Hidhja europiane (lat. Aconitum lycoctonum) bimë barishtore shumëvjeçare, helmuese, që rritet në pyje malore dhe livadhe të lagështa, që gjendet për dekoracion edhe në kopshte, me gjethe në formën e pëllëmbës, me katër deri në gjashtë lobe të prera thellë, me lule të gjatë me lule të zgjatura në nuanca të ngjyrës së verdhë deri në krem; akoniti ujkvrasës; helmi i ujkut i verdhë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë