Fjalori

Rezultate në përkufizime për “dekompozim”

Mëso si ta përdorësh
<<< Kthehu te kërkimi kryesor në fjalor

DEKOMPOZIM

DEKOMPOZÍM,~I m., libr. 1. Veprimi kur dekompozoj diçka; zbërthimi ose ndarja e diçkaje në pjesë më të vogla ose në përbërës më të thjeshtë; shpërbërje. Procesi i dekompozimit. Në dekompozim e sipër.
2. Gjendja kur dekompozohet diçka. Dekompozimi i mbetjeve.
3. fig. Procesi i shprishjes a i shthurjes; çoroditje, përdhosje. Dekompozimi i sistemit.
✱Sin.: zbërthim, shpërbërje, prishje, shthurje, çoroditje, përdhosje.

HALINOSJE

HALINÓSJ/E,~A f. sh. ~E, ~ET krahin. 1. Prishja e diçkaje duke e mbajtur në një vend të mbyllur e të paajrosur, në ujë a në një vend me lagështi; tretja a shkatërrimi i dalëngadaltë; kalbje, dekompozim, kalbëzim, shpërbërje. Halinosja e frutave. I mbron nga halinosja. Është në halinosje.
2. Të fikët, alivan, vilani. I ra halinosja i ra vilani.
✱Sin.: kalbje, dekompozim, kalbëzim, prishje, shpërbërje, tretje, grymosje, vilani, alivan, zali, të fikët.

HISTOLIZË

HISTOLÍZ/Ë,~A f. mjek., biol. Procesi i shkatërrimit, i tretjes ose i shpërbërjes së indeve, zakonisht përmes proceseve kimike ose enzimatike; dekompozim i indeve.

KALBJE

KÁLBJ/E,~A f. sh. ~E, ~ET 1. Shpërbërje, prishje; dekompozim (për lëndë organike, mish, bimë, fruta etj.). E ruaj nga kalbja.
2. edhe fig. Gjendje e kalbur, kalbësi; kalbësirë. Kalbja e regjimit.
✱Sin.: kalbëzim, prishje, shpërbërje, dekompozim, kalbësirë.

PRISHJE

PRÍSHJ/E,~A f. sh. ~E, ~ET 1. Veprimi kur prish ose kur prishet diçka.
2. Gjendja pasi prish a pasi prishem. Prishja e urës. Prishja e dhëmbëve. Prishja e mishit. Prishja e kontratës. Prishja e rregullit.
3. Vend i prishur a i shkatërruar. Prishje tektonike (gjeol.). Prishjet në çati.
4. bised. Shpenzim. Prishjet dhe të ardhurat.
✱Sin.: përprishje, shembje, shkatërrim, çartje, dëmtim, dëm, shpërbërje, shthurje, çrregullim, shprishje, fshirje, shuarje, keqësim, dobësim, shëmtim, rrënim, zvetënim, përdhosje, bastardim, degjenerim, ngërdheshje, shtrembërim, kalbje, thartim, tharmëtim, tharmim, dekompozim, zjarrtisje, qelbje, ndotje, vrenjtje, shpenzim, dështim, shkrehje, rrëzim, krusmë, thepisje, hallakatje, shkallmim, shkapërderdhje, zbërthim, porropi, zarar, çakordim, djallosje, katranosje, ngatërrim, shkarëzim, çorganizim, rënie, pështjellim, rravgim, çjerrje, shkelje, tretje, shformim, prerje, mykje, zhezhitje, djegie, ndyrje, fëlliqje, ndërprerje, ftohje, acarim, egërsim, harxhim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë