Fjalori

Rezultate në përkufizime për “dejshëm”

Mëso si ta përdorësh
<<< Kthehu te kërkimi kryesor në fjalor

DEJSHËM

DÉJSHËM ndajf. Në gjendje të dehur; pa i dalë pija; me mendje të turbulluar. Erdhi (ishte) dejshëm.

ESËLL

ÉSËLL ndajf. 1. Pa ngrënë (zakonisht mëngjesin); thashëm. Jam esëll. E pi ilaçin esëll. Analizat e gjakut bëhen esëll.
2. bised. Pa qenë i dehur ose pasi i ka dalë pija (edhe iron.); kund. dejshëm. Ishte esëll. U bë esëll pasi u la.
♦ U bë esëll (dikush) i kaloi turbullimi a hutimi, e zotëroi veten pas diçkaje të papritur etj.; e sheh dhe e kupton realitetin; erdhi në vete; e mblodhi veten. Jam esëll (në diçka) nuk marr vesh fare nga një punë, nga një zanat etj., nuk e njoh fare diçka, nuk ia them fare; nuk marr erë (nga diçka). E ka mendjen esëll (dikush) është i kthjellët nga mendja, mendon e gjykon drejt.

MAHMUR

MAHMÚR ndajf., bised. 1. Pa i dalë mirë gjumi, përgjumësh, përgjumshëm. Kur zgjohet mahmur, provon të këndellet me një filxhan kafe.
2. Pa i dalë mirë pija, pijshëm, dejshëm. Ishte pak mahmur. Në mëngjes ai ishte ende mahmur. U nis mahmur për të takuar dikë e nuk dinte nga e shpinin këmbët.
3. Pa humor të mirë, vrenjtur, turivarur; si i zemëruar, me inat. Flet mahmur. Rrinte mahmur. Ngaherë ngrihej mahmur. Tjetri e ndërpreu mahmur.
✱Sin.: përgjumësh, përgjumshëm, pijshëm, dejshëm, vrenjtur, turivarur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë