Fjalori

Rezultate në përkufizime për “degustoj”

Mëso si ta përdorësh
<<< Kthehu te kërkimi kryesor në fjalor

DEGUSTIM

DEGUSTÍM,~I m., spec. Veprimi kur degustoj diçka; ngjërim i ushqimit, i pijeve etj.; shijim.

DEGUSTOJ

DEGUST/ÓJ vep., ~ÓVA, ~ÚAR kal. Provoj ose shijoj për të vlerësuar cilësinë e shijen e ushqimit a të pijeve në mënyrë profesionale; ngjëroj. Degustoj verën.

SHIJOJ

SHIJ/ÓJ vep., ~ÓVA, ~ÚAR 1. kal. Provoj në gojë pak nga një pije a ushqim, për ta vlerësuar shijen e tij, kërkoj, degustoj. - Mbylli sytë dhe shijoje! E shijoi mollën deri në fund.
2. jokal., vet. v. III (me një trajtë të shkurtër të përemrit vetor në r. dhanore). Të jep kënaqësi në të ngrënë a në të pirë, është i shijshëm; ma kërkon trupi diçka. Na shijoi shumë ky ushqim. Më shijoi torta. Më shijoi çaji. Nuk i shijon rakia (duhani). Nuk më shijon kafeja vetëm.
3. fig., kal. E pëlqej, jap vlerësimin a e çmoj nga ana estetike diçka; ndiej kënaqësi, gëzohem me diçka; çmoj. Shijoj pamjen. Shijoj perëndimin. Shijoj muzikën. Shijoj të lexuarit (një shfaqje artistike, një film). Shijoj një lojë të bukur. Shijoj suksesin. Ma shijon syri. Shijoj festën. Shijoj plazhin.
4. v. III Bëj të jepet tepër pas diçkaje. Më ka shijuar djali pas kumarit.
✱Sin.: kërkoj, provoj, degustoj, lezetoj, ndiej, pëlqej, vlerësoj, çmoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë