Fjalori

Rezultate në përkufizime për “deduksion”

Mëso si ta përdorësh
<<< Kthehu te kërkimi kryesor në fjalor

DEDUKSION

DEDUKSIÓN,~I m. sh. ~E, ~ET logj. Mënyrë arsyetimi që niset nga e përgjithshmja për të nxjerrë të veçantën a më pak të përgjithshmen; nxjerrja e një përfundimi logjik të veçantë a të pjesshëm nga një tezë a nga një ide e përgjithshme; përfundimi i veçantë që nxirret me këtë mënyrë arsyetimi; kund. induksion. Deduksion logjik. Deduksion shkencor. Deduksioni dhe induksioni. Metoda (mënyra) e deduksionit. E nxjerr me deduksion.

DEDUKTIM

DEDUKTÍM,~I m. sh. ~E, ~ET logj. 1. Veprimi kur deduktoj diçka; arritje në një përfundim duke u nisur nga e përgjithshmja për të dalë tek e veçanta; kund. induktim. Deduktim shkencor.
2. Mënyrë arsyetimi; deduksion.

DEDUKTIV

DEDUKTÍV,~E mb., logj. I mbështetur në deduksion; i nxjerrë me deduksion; kund. induktiv. Arsyetim deduktiv. Logjikë deduktive. Përfundime deduktive. Pyetje deduktive. Analizë deduktive. Metodë deduktive.

DEDUKTOJ

DEDUKT/ÓJ vep., ~ÓVA, ~ÚAR logj., kal. dhe jokal. Arsyetoj ose nxjerr një përfundim logjik me deduksion; kund. induktoj. Na duhet të deduktojmë. Janë në gjendje ta deduktojnë.

INDUKSION

INDUKSIÓN,~I m. sh. ~E, ~ET 1. logj. Mënyrë arsyetimi, që niset nga e veçanta për të nxjerrë të përgjithshmen; nxjerrja e një përfundimi logjik të përgjithshëm nga teza ose nga ide të veçanta a të pjesshme; përfundim i përgjithshëm që nxirret me këtë mënyrë arsyetimi; kund. deduksion. Induksion shkencor. Induksion i plotë. Metoda (mënyra) e induksionit. Me anë të induksionit.
2. elektr. Lindja e rrymës elektrike në një përcjellës kur ai lëviz në një fushë magnetike ose kur ndryshon fusha magnetike rreth tij. Induksion elektromagnetik (magnetik). Motor induksioni. Rrymë induksioni. Aparat induksioni aparat për prodhimin e rrymës elektrike të ndryshueshme me tension të lartë, induktor. Zvogëlimi i induksionit. Elektrizim me induksion.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë