Fjalori

Rezultate në përkufizime për “dashtër”

Mëso si ta përdorësh
<<< Kthehu te kërkimi kryesor në fjalor

AKANTË

AKANT/Ë,~A f. sh. ~A, ~AT bot. (lat. Acanthus) Bimë barishtore shumëvjeçare gjembake e zbukuruese nga familja e aguliçeve, me gjethe të mëdha të dhëmbëzuara dhe me lule të prera brinjore me ngjyrë të bardhë, të trëndafiltë ose vjollcë, të mbledhura në një kërcell të trashë, që lidh fruta mishtorë, që përdoret dhe në industrinë farmaceutike; dashtër, këmba e ariut, thundra e ariut, këmba e arushës. Akanta e livadheve. Akanta gjembore. Akanta e butë.
✱Sin.: dashtër, sqerpik.

DASHTËR

DÁSHT/ËR,~RA f. sh. ~RA, ~RAT 1. bot. (lat. Acanthus) Bimë barishtore e egër, me kërcell të drejtë e të lartë, me gjethe të gjera, të çara e të kthyera nga lart, me gjemba të fortë, që çel në verë lule të bardha. Lulet e dashtrës. Gjethet e dashtrës. Dashtra gjembake. Dashtra e Ballkanit. Dashtra e livadheve.
2. bot. Pjesë e parë e emërtimeve të pathjeshta për disa lloje dashtrash. Dashtra e Ballkanit (lat. Acanthus spinosus) bimë shumëvjeçare, me gjethe të mëdha, të thelluara, me dhëmbëza dhe maja gjembore, me lule tubulare, të bardha me nuancë të purpurt ose vjollcë, që janë të mbledhura në tufë të gjatë vertikale, që arrin lartësinë 1 – 1.5 m. Dashtra e butë (lat. Acanthus mollis) bimë barishtore shumëvjeçare, me rizomë, me gjethe shumë të mëdha, deri në 1 m të gjata, të gjera, të thelluara, pa gjemba, me lule tubulare, të bardha me nuancë rozë ose vjollcë, që është e kultivuar si bimë zbukuruese në kopshte.
3. arkit. Zbukurim në trajtën e kësaj bime, i gdhendur në kapitelin e shtyllave korintike; motiv dekorativ. Shtylla mermeri me dashtër.

XHIXHËLL

XHÍXH/ËLL,~LLA f. sh. ~LLA, ~LLAT bot. 1. (lat. Onopordon) Bimë barishtore dyvjeçare e dëmshme, me kërcell të drejtë, me gjethe bardhoshe, me lule në ngjyrë të kuqe, që mbin në kullota a në gurishte. Livadh me xhixhëlla.

2. Pjesë e parë e emërtimeve të pathjeshta për disa lloje të kësaj bime: Xhixhlla dashtër gjembaçi i gomarit. Xhixhlla ilire (lat. Onopordon illyricum) xhixhëll a gjembaç që rritet më shumë në Evropën jugperëndimore.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë