Fjalori

Rezultate në përkufizime për “dajre”

Mëso si ta përdorësh
<<< Kthehu te kërkimi kryesor në fjalor

DAJRE

DÁJR/E,~JA f. sh. ~E, ~ET muz. Vegël muzikore popullore: një rreth i hollë prej druri, me disa pafta teneqeje, i mbuluar nga njëra anë me lëkurë të tendosur, së cilës i bihet me gishta për të mbajtur ritmin e këngës ose të valles; def. I bie dajres. Shoqëron me dajre. Ngroh dajren ngroh lëkurën e dajres që të kumbojë më mirë. Kërcejnë me dajre. Pa pare s’ka dajre. (fj. u.).
♦ Kërcen sipas dajres (së dikujt) përb. bën siç thotë a siç do dikush, vete pas qejfit të tij; i shkon (i vete) pas avazit (dikujt). I vunë dajren (dikujt) e tallën, e përqeshën, e vunë në lojë; i varën (i vunë) teneqenë.

DEF

DEF,~I m. sh. ~E, ~ET muz. Dajre. Valle të shoqëruara me def. I bie defit. Kërciste defi.
♦ U bë def (dikush) keq. u shporr, u largua menjëherë. E bëj def (dikë). 1. përb. E heq qafe dikë; e përzë, e shporr. 2. shpërf. E vë nën urdhra. Nuk i bën koka def (dikujt) as që pyet fare, s’do t’ia dijë, është kokëfortë; është kokëkrisur; nuk ia bën syri tërr; nuk ia bën syri def. Ia bëfshin lëkurën def! mallk., bised. vdektë! I bie defit (dikush) flet kot, në hava.

QESTE

QÉST/E,~JA f. sh. ~E, ~ET vjet. Vegël muzikore me tela, që i ngjan lirës. Në festat e tyre ka qeste, harpa, dajre e fyell.

TAGAR

TAGÁR,~IIII m. sh. ~Ë, ~ËT vjet. Dajre, def. I bie tagarit.
♦ Bjeri tagarit! keq. mospërf. llomotit sa të duash, nuk të dëgjon njeri, nuk ta vë veshin kush; gri lakra!; gri sallatë! E luan në tagar (dikë) keq. e mundon shumë, e sorollat; e sfilit; e sjell vërdallë; luan cingël (cingëlthi) (me dikë); e luan në tel; e luan në tepsi.

TAMBURINË

TAMBURÍN/Ë,~A f. sh. ~A, ~AT muz. Lloj defi me pafta; dajre.

ÇENGI

ÇENGÍ,~A f. sh. ~, ~TË 1. vjet. Valltare ahengjesh (zakonisht cigane). Çengi me dajre. Valle çengish. Kërcejnë çengitë. E ndiqnin shpesh edhe çengitë dhe këngëtarët shëtitës.
2. keq. Bishtdredhur; grua e përdalë. Ka filluar të humbasë pusullën mbas çengive dhe ahengjeve të tyre.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë