Fjalori

Rezultate në përkufizime për “dëshmore”

Mëso si ta përdorësh
<<< Kthehu te kërkimi kryesor në fjalor

DËSHMITARE

DËSHMITÁR/E,~JA f. sh. ~Ë, ~ËT 1. Ajo që është e pranishme në një ngjarje dhe sheh me sytë e vet atë që ndodh ose dëgjon atë që thuhet. Dëshmitare e ngjarjes.
2. drejt. Ajo që thirret për të dëshmuar para organeve të drejtësisë për dikë a për diçka që e di, që e ka parë ose e ka dëgjuar vetë. U dëgjua dëshmitarja. E pyetën si dëshmitare.
3. zyrt. Ajo që ftohet të jetë e pranishme në një veprim ligjor (martesë, testament etj.). Dëshmitare në martesën e shoqes.
4. vjet. Dëshmore.
✱Sin.: dëshmuese, dëshmimtare, dëshmonjëse, dëshmore.

DËSHMOR

DËSHMÓR,~E mb. Që ka rënë në luftë për liri; që fal jetën për një çështje madhore. Vajzë dëshmore.

DËSHMORE

DËSHMÓR/E,~JA f. sh. ~E, ~ET 1. Ajo që fal jetën për liri e për drejtësi shoqërore, për të mirën e popullit e të atdheut. Dëshmore e lirisë. Të dhëna nga jeta e dëshmores.
2. vjet. Dëshmitare.
✱Sin.: e rënë, martire, fli, dëshmitare.

MARTIRE

MARTÍR/E,~JA f. sh. ~E, ~ET 1. Ajo që pranon vdekjen në vend që të heqë dorë nga besimi i vet fetar.

2. Ajo që vuan shumë e jep edhe jetën për një çështje të lartë e të shenjtë (për çlirimin a për mbrojtjen e Atdheut, për drejtësinë shoqërore, për besimin fetar etj.), ajo që sakrifikon veten për një kauzë; dëshmore. Martirja e kombit. Martirja e re.

3. Ajo që jep jetën për diçka me vlerë të madhe. Martire e dashurisë.

SHAHITE

SHAHÍTE,~JA f. sh. ~E, ~ET vjet. 1. Ajo që është në dijeni të drejtpërdrejtë të një fakti (e ka parë, e ka dëgjuar) dhe thirret për të dëshmuar rreth tij, dëshmitare. Doli si shahite. E thirrën për shahite. Ishte shahitja e vetme e atij aksidenti.
2. Ajo që sakrifikon në mënyrë të vullnetshme jetën, pa marrë parasysh rreziqet, dëshmore. Ra shahite. Kishte edhe gra që kishin rënë shahite. Shkolla mbante emrin e shahites.
✱Sin.: dëshmitare, dëshmuese, dëshmore, martire, veqile.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë