Fjalori

Rezultate në përkufizime për “dëshirim”

Mëso si ta përdorësh
<<< Kthehu te kërkimi kryesor në fjalor

DËSHIRIM

DËSHIRÍM,~I m. sh. ~E, ~ET Gjendja kur dëshiroj diçka; gjendje shpirtërore kur njeriu vuan për dikë a për diçka që nuk e ka, dëshirë e fortë, dëshirë e madhe; mall. Kujton me dëshirim. Është në dëshirim.

EPSHËRI

EPSHËRÍ,~A f., libr. Gjendje e përjetimit të epshit. Epshëri pa dashuri. Fola me epshëri. E pashë me epshëri.
✱Sin.: epsh, epshërim, dëshirim.

ETJE

ÉTJ/E,~A f. 1. Nevojë dhe dëshirë e një organizmi për ujë. Etje e madhe. Kam etje. Bima (toka) ka etje. Më merr etja. Shuaj etjen. Piu me etje.
2. fig. Dëshirë e madhe për diçka. Etje e madhe për arsim. Etje për liri. Etje për dije. Etje për zbulimin e mistereve të kozmosit. Etje për të dëgjuar fjalët e saj
3. keq. Synim i papërmbajtur për të arritur diçka; lakmi. Etje për lavdi. Etje për pushtet (për fitime, për pasuri). Etje e pangopur për t’u pasuruar. Etja për famë.
✱Sin.: et, rreshk, lakmi, dëshirim.
♦ E shuaj etjen (për diçka) e plotësoj një dëshirë, kënaqem plotësisht me diçka që e kërkoja a që e doja shumë.

GLLABËROJ

GLLABËR/ÓJ vep., ~ÓVA, ~ÚAR kal. 1. Ha diçka menjëherë e me uri; përpij, përlaj. Gllabëroi gjithë ushqimin prej urisë së madhe. I gllabëroi të gjitha.
2. Rrëmbej; pushtoj me dhunë një vend etj. Ia gllabëroi pasurinë (paratë). Imperialistët përpiqen t'i gllabërojnë vendet e vogla.
3. vet. v. III, bised. Përmbyt; mbulon. Lumi gllabëroi xhadenë. I gllabëroi errësira.
4. fig. Shoh me lakmi të madhe dikë a diçka, i hedh një vështrim të shpejtë e plot me dëshirim, e përpij. E gllabëroi me sy.
5. fig. (zakon. me një trajtë të shkurtër të përemrit vetor në r. kallëzore) Më rrëmben me gjithë forcën diçka, më tërheq shumë, më bën për vete, më pushton tërësisht. E gllabëroi muzika (filmi, libri).
✱Sin.: përpij, përlaj, shpëlaj, gëlltis, llup, llufis, faroj, faros, kapërdij, skllup, thith, përfshij, fshij, rruaj, rrufis, rrumbulloj, rrushkulloj, kollofis, rrëmbej, kllapis, qëroj, copis, pushtoj, tërheq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë