Fjalori

Rezultate në përkufizime për “dërrmak”

Mëso si ta përdorësh
<<< Kthehu te kërkimi kryesor në fjalor

DËRRMAK

DËRRMÁK ndajf. 1. Kruspull, lëmsh. U mblodh dërrmak. Mbeti (rri) dërrmak në shtrat.
2. Pa u kryer tërësisht, pa u rregulluar a pa u çuar deri në fund; përgjysmë, në mes të udhës. E la dërrmak punën. I mbeti dërrmak misri i mbeti misri në arë, pa e ngritur e pa e futur në koçek. I mbeti bari dërrmak i mbeti bari i kositur në livadh, pa e vënë mullar.
3. Shumë keq, sa s’ka ku të shkojë më keq. Punët i kishin dërrmak.

DËRRMAK

DËRRMÁK,~E mb. 1. Që dërrmohet a që thërrmohet shpejt. Bukë dërrmake. Djathë dërrmak. Gur dërrmak.
2. I shkoqur, i copëzuar imët. Dhe dërrmak.
3. fig. Që është shumë i vogël e i mbledhur si topth, i vogël sa një thërrime (sidomos për fëmijët). Ka mbetur dërrmak.
✱Sin.: i thërrmuar, i dërrmuar, i shkoqur, i copëzuar, i grimcuar, i vogël.

DËRRMAK

DËRRMÁK vep., ~A, ~UR kal. 1. Dërrmoj, thërrmoj diçka. Dërrmak plisat.
2. E rrah keq dikë, ia bëj kurrizin më të butë se barkun. E kanë dërrmakur së rrahuri.

DËRRMAK

DËRRMÁK,~U m. sh. ~Ë, ~ËT Dërrmake1. U bë plisi si dërrmak.

HARMUAR

HARMÚAR (i, e) mb. 1. Që është harmuar; i thërrmuar a i copëtuar.
2. fig. I prishur; i kalbur.
✱Sin.: i thërrmuar, i grimcuar, i dromcuar, i dërrmuar, dërrmak, i shkërmoqur, i shkoqur, i shtypur, i prishur, i kalbur.

PAPARE

PAPÁR/E,~JA f. Përshesh me bukë të grunjtë e me erëza, që përvëlohet me ujë të nxehtë e yndyrë. Papare me gjalpë (me vaj, me djathë).
✱Sin.: bukëvale, përvëlore, kryelanë, dërrmak, valëbuke, paçamur, valë.

PËRGJYSMË

PËRGJÝSMË ndajf. 1. Në dy pjesë të barabarta; në dy pjesë. Ndaj përgjysmë. U thye përgjysmë.
2. Deri në mes; jo plot. E mbushi gotën përgjysmë.
3. Në mënyrë jo të plotë, pjesërisht; pak, jo deri në fund. Mbylli sytë përgjysmë. Hapi derën (dritaren) përgjysmë. U ngrit përgjysmë.
4. Pa e përfunduar, pa e shpënë deri në fund diçka, në mes. Nuk e lë punën përgjysmë. Projekti mbeti përgjysmë. Ia preu fjalën përgjysmë.
✱Sin.: dysh, dyshas, gjysmë, pjesërisht, dalë, shyt, doras, dërrmak, mbytur, mbyturazi, zvarrë.

THËRRIME

THËRRÍM/E,~JA f. sh. ~E, ~ET 1. Grimcë e vogël buke, djathi etj., dromcë. Thërrime buke (djathi). Bëri shumë thërrime.
2. Pjesë e vogël e një lënde, fije a grimcë; thërrmijë. Thërrime pluhuri (metali, gurësh). U bë thërrime u bë copë-copë, u thye në copa shumë të vogla, u copëtua.
3. vet. sh., bised. Kokrra të vogla brumi me vezë, makarona të vogla si oriz, që gatuhen gjellë. Thërrime me mish (me gjalpë).
4. fig. Sasi shumë e pakët e diçkaje, një pakicë, një çikë, një fije; shumë pak. Një thërrime bukë (djathë, miell). Asnjë thërrime aspak. Si mbeti thërrime si mbeti asgjë. S'kishte asnjë thërrime mëshirë. S'e cenon asnjë thërrime. Hëngri (piu, fjeti) një thërrime.
✱Sin.: grimë, grimcë, thërrmijë, thërrmijëz, thërrmonjë, dromcë, dërrmak, drudhe, çamër, çikëz.
♦ E bëri thërrime (*copë, copë e çikë, copë e thërrime). *Çikë e thërrime. Ka tri thërrime në majë (dikush) mospërf. është shumë mendjelehtë; ka tri qime në majë përçm.; është trëndelinë nga mendja mospërf.; ia ka marrë mendtë era (dikujt). Thërrime në tagar shih qiqër në tagar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë