Fjalori

Rezultate në përkufizime për “cullufe”

Mëso si ta përdorësh
<<< Kthehu te kërkimi kryesor në fjalor

BALLUKE

BALLÚK/E,~JAI f. sh. ~E, ~ET 1. Tufë flokësh më të gjatë që bie mbi ballë; kryes. sh. flokët që lëshohen mbi ballë, flokët e ballit; flokët. Balluke të gjata (të dredhura). Me balluke të mëdha. Balluket e ballit. Lë (mban) balluke. Kreh balluket. Preu balluket. Hedh balluket prapa. Balluke flokësh të dredhur. - Nënë, moj, ç’i pëlqeve djalit? / - Bijë, moj, balluken e ballit! (folk.).
2. Dele, dhi ose lopë me një tufë qimesh të gjata që i bien mbi ballë. Balluket e tufës.
✱Sin.: ballare, përballëse, cullufe, kablosh, perçe, balishë, kaçirubë, bejleg.
♦ Hedh balluket përmbi sy (dikush) e mban veten si i ditur e si i zoti, tregohet sikur s’do t’ia dijë për askënd e për asgjë, mbahet me të madh; shet mend. Vajti për balluke e la kokën (rrashtën) (dikush) iron. kërkoi për diçka më të mirë, por humbi edhe atë që kishte dhe që është më e rëndësishme a me më shumë vlerë se ajo që kërkoi; shkoi (vajti) për lesh e erdhi i qethur. I kanë zënë sytë balluket (dikujt) e kujton veten për të zotin a për trim e nuk sheh si është e vërteta; i është rritur mendja.

BUFAK

BUFÁK,~U m. sh. ~Ë, ~ËT 1. Dash me cullufe. Dash bufak.
2. fig., keq. Njeri shumë i shëndoshë.

CULLUFE

CULLÚF/E,~JA f., kryes. sh. ~E, ~ET 1. Tufë flokësh që varen tëmthave ose mbi ballë. Me cullufe të gjata. Mbaj cullufe. Lëshoj cullufet. Pres cullufet.
2. Flokët. I tundi hareshëm cullufet e çelëta. Cullufet e bardha të kokës. Plaku shkuli mustaqet, plaka cullufet.

CULLUFEPRERË

CULLUFEPRÉRË mb. 1. Që i ka prerë cullufet, me cullufe të prera; flokëprerë. Leshëra- cullufeprerë.
2. Që i ka prerë flokët shkurt.

CULLUFEZI

CULLUFE/ZÍ,~U m. sh. ~ZÍNJ, ~ZÍNJTË Ai që i ka cullufet të zeza, që i ka flokët të zinj, flokëzi.

FLOK

FLOK,~U m. sh. ~Ë, ~ËT 1. Secila nga qimet e kokës së njeriut; sh. tërësia e këtyre qimeve. Flokë të zinj (të verdhë, të thinjur). Flokë kaçurrelë. Qime floku. Shtegu i flokëve. Kapëse flokësh. Kreh flokët. Qeth (pres, dredh) flokët. Lidh flokët. I bien flokët.
2. kryes. sh. Mustaqet e misrit; halat e kallirit të grurit, të thekrës etj., thekë. Flokët e misrit.
3. kryes. sh. Fundet e fijeve anës një qilimi a një petku; thekë. Velenxë me flokë.
4. Secili nga kristalet e lehta të borës kur bie; copëz e vogël dhe e lehtë a fije e hollë e diçkaje kur bie. Flokë bore. Flokë pambuku.
✱Sin.: qime, lesh, leshra, balluke, cullufe, çetina, krip, thekë, halë.
♦ Asnjë *fije (qime) floku. Është bërë flokë (*lesh) arapi (diçka). Më ka dalë në *majë të flokëve (diçka a dikush). *Dash me flokë. M’u drodhën flokët u rrëqetha, u tmerrova; m’u drodhën leshrat e kokës; m’u ngritën flokët (qimet, qimet e kokës) përpjetë. Humbi *kokën e pyet për flokët (dikush). Ia dha flokët (leshrat) në *dorë (dikujt). E kap për flokësh (diçka) merret me gjëra anësore e të vogla, duke lënë mënjanë ato kryesoret e të rëndësishmet; e nis një punë jo nga themeli; e kap për degësh. Kapet (mbahet) pas *fijes së flokut (së perit, së kashtës) (dikush). Nga *maja e flokut te thonjtë e këmbëve. Mbahet pas flokëve të vet (dikush) iron. i var shpresat në diçka të dobët, nuk ka mbështetje, mbështetet te diçka e pasigurt; kapet (mbahet) pas fijes së perit (së flokut, së kashtës). M’u ngritën flokët (qimet e kokës) *drizë. M’u ngritën flokët (qimet e kokës) *përpjetë. Shkuli flokët e kryes (dikush) u mërzit e u dëshpërua jashtë mase, u pikëllua, e vuajti shumë diçka; iu bë zemra bunar (dikujt); ra për toke. Varet (është) në *fije të flokut (të perit).

LLUFË

LLÚF/Ë,~A f. sh. ~A, ~AT Tufë flokësh që varen mbi ballë, cullufe.

PALZË

PÁLZ/Ë,~A f. sh. ~A, ~AT Cullufe, zylyfe.

PANDËL

PÁND/ËL,~LA f. sh. ~LA, ~LAT 1. Zhele, rrobë e vjetër.
2. Cullufe, balluke.
✱Sin.: zhele; cangël, cule, leckë, pandavelë, pandavël, pecurinë, penjurinë, spathok, strukël, strukulinë, sukullinë.

PERÇE

PÉRÇ/E,~JAI f. sh. ~E, ~ET bised. 1. Balluke. Preu perçen.
2. vjet. Tufë flokësh të gjatë që linin burrat në majë të kokës. Djalë (burrë) me perçe të zezë (me perçe të artë).
3. Flokë tepër të gjatë e të lëshuar mbi supe (për burrat). Krihte perçen. E ka lëshuar perçen.
4. Tufë qimesh të gjata që kanë disa kafshë në qafë; jelja e kalit, krifë. Perçe e zezë (e bardhë, e gjatë). Perçja e kalit (e luanit). Tundi (shkundi) perçen.
5. Xhufka e misrit.
✱Sin.: balluke, kreshtë, cullufe, jele, krifë, xhufkë.

STRUFULL

STRÚFULL,~A f. sh. ~A, ~AT bised. Cullufe flokësh. Strufulla të gjata. I lëshoi strufullat. I kishte prerë strufullat. Gjithmonë kishte mbajtur strufulla.

TAÇKË

TÁÇK/Ë,~A f. sh. ~A, ~AT krahin. Tufë flokësh që varen tëmthave; cullufe. I tërhoqi taçkat.

VETULLKATRAN

VETULLKATRÁN,~E mb. Që i ka vetullat të zeza si katran, vetullzi; kund. vetullbardhë. Mustaqezi e vetullkatran. Me cullufe të gjata e vetullkatrane. Moj cullufe e vetullkatrane!
✱Sin.: vetullzi, vetullkalesh, vetullsorrë, vetullakorb, vetullapisë, vetullallajë.

ZYLYFE

ZYLÝF/E,~JA f. kryes. sh. ~E, ~ET vjet. Tufë flokësh të prerë shkurt, që varen nga tëmthat anash faqeve (zakonisht te gratë); cullufe. Krehu zylyfet. Mori vashë zylyfezezë, / Me të ditë se më rrin në besë. (folk.).

ÇEPKË

ÇÉPK/Ë,~A f. sh. ~A, ~AT Cullufe flokësh.
✱Sin.: cullufe, çupe, çumër.

ÇUPE

ÇÚP/E,~JA f. sh. ~E, ~ET Cullufe flokësh. Djalë me çupe. Mbahej në çupen e kalit.
✱Sin.: cullufe, çepkë, çumër.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë