Fjalori

Rezultate në përkufizime për “cuks”

Mëso si ta përdorësh
<<< Kthehu te kërkimi kryesor në fjalor

CUKS

CUKS vep., ~A, ~UR jokal. dhe kal., vet. v. III 1. Djeg, përcëlloj (kryes. me trajtë të shkurtër përemërore). Më cuks lëkura. Më cuks gjuha. Më cuksin sytë. Më cuks në grykë.
2. fig. Ngacmon.

CUKSEM

►CÚKS/EM jovep., ~A (u), ~UR 1. vetv. Digjem; përcëllohem me diçka.
2. pës. e CUKS.

CUKUNIS

CUKUNÍS vep., ~A, ~UR kal. Cuks a djeg dikë me hithër.

PËRCËLLOJ

PËRCËLL/ÓJ vep., ~ÓVA, ~ÚAR 1. kal. Djeg pak diçka në anën e jashtme a në sipërfaqe, e përzhit sipër flakës ose në zjarr, përdjeg. Përcëlloj pulën e vë pulën mbi flakë, pasi e shpuploj, për t’i djegur kunjëzat, qimet ose ndonjë pupël të vogël që i ka mbetur në lëkurë. Përcëlloi flokët (vetullat, qepallat) në flakë. Ia përcëlloi lëkurën. E përcëlloi misrin. M’i përcëlloi duart.
2. kal. Pjek pak a rreshk diçka duke e sjellë e përsjellë mbi prush ose mbi zjarr; përskuq diçka në sipërfaqe; e djeg pak përsipër. E përcëlloi mishin.
3. kal. Djeg pak lëvoren e një druri që të zhvishet ose të lakohet..
4. kal. E djeg menjëherë me ujë a me diçka tjetër të nxehtë; përvëloj. I përcëlloi gjella gjuhën. Përcëlloi duart me ujë të nxehtë. E përcëlloi me hekur të skuqur.
5. kal. E djeg fare, e bëj shkrumb e hi.
6. kal., vet. v. III Bën që të humbasë njomësinë e të fishket, e than, e djeg (zakonisht për bimët). Bimët (pemët) i përcëlloi të nxehtët (vapa, thatësira, ngrica).
7. jokal. Më djeg e më shpon, ma përskuq lëkurën e më jep të therura ose dhembje të mprehta. E përcëlluan hithrat. Piperka i përcëlloi gojën.
8. fig., jokal. E prek thellë a e hidhëroj dikë me atë që i them, bëj që t’i djegë, e zemëroj. E përcëlloi me fjalë. E përcëlloi qëndrimi i ashpër. I përcëlloi ajo fjalë.
9. fig., kal. Djeg, bëj shkrumb e hi, zhduk me rrënjë diçka të keqe e të dëmshme; i vë flakën.
✱Sin.: përdjeg, përflak, përflakoj, prafulloj, përzhit, frugulloj, rrëmbej, zhurit, zhaparit, përvëloj, shlukëzoj, djeg, shkrumboj, flakëroj, flakërij, flakërit, cuks, zemëroj, vrugoj, thek, pjek, rreshk, fishk, thaj, sëmbon, përskuq, cukëloj, prek, hidhëroj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë