Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BËRSÁK,~E mb. Lëkurëhollë, cipëhollë. Arra bërsake.
CIPËHÓLLË mb. 1. Që e ka lëkurën të hollë, lëkurëhollë; kund. cipëtrashë. Rrush cipëhollë. Kumbull (pjeshkë, mollë) cipëhollë. Portokalle cipëhollë. Ajo i kishte faqet e lëmuara e cipëholla. Thelpinj cipëhollë.
2. fig. Që preket shpejt në sedër, i prekshëm. Nuk i kemi aq sqimatarë dhe cipëhollë njerëzit që na drejtojnë. Është cipëhollë, nuk duron.
✱Sin.: lëkurëhollë, i prekshëm, i ndjeshëm, i turpshëm.
LËKURËHÓLLË mb. 1. Që e ka lëkurën të hollë; kund. lëkurëtrashë.
2. Që e ka lëvoren a cipën të hollë; kund. lëkurëtrashë. Patate lëkurëhollë. Fik lëkurëhollë.
3. fig. Që është shumë i ndjeshëm ndaj qortimeve; që preket a që turpërohet lehtë.
✱Sin.: cipëhollë, zhapëhollë, lëvozhgëhollë, lëvorehollë, i prekshëm, i turpshëm.
LËVOZHGËHÓLLË mb. 1. Që e ka lëvozhgën të hollë; kund. lëvozhgëtrashë.
2. si em. m. e f. Sipas kuptimit të mbiemrit.
✱Sin.: lëkurëhollë, cipëhollë, lëvorehollë.
PRÉKSH/ËM (i), ~ME (e) mb. 1. Që mund të preket me dorë a me diçka tjetër; që mund të kapet nga shqisa e të prekurit; kund. i paprekshëm. Vetitë e prekshme të sendeve.
2. Që mund ta zërë një sëmundje; që mund të cenohet lehtë; kund. i paprekshëm. I prekshëm nga sëmundjet. Ky lloj rrushi është shumë i prekshëm nga hiri. Bimë e prekshme nga bryma.
3. Që ndikohet lehtë nga diçka, që i nënshtrohet lehtë veprimit e ndikimit të diçkaje, e cila mund të lërë gjurmë; kund. i paprekshëm.
4. fig. Që preket në ndjenja a fyhet shumë lehtë; që shqetësohet shumë shpejt.
5. fig. Që nuk duron fare, që mallëngjehet shumë lehtë; që i vjen keq për këdo e për gjithçka, shumë i ndjeshëm; kund. i paprekshëm. Njeri i prekshëm. Vajzë e prekshme. Zemër e prekshme.
6. fig. Që të prek; prekës, i thekshëm. Ndarje e prekshme. Çast i prekshëm. Fjalë të prekshme. Histori e prekshme.
7. fig. Që kapet a kuptohet lehtë; i dukshëm e i qartë. Problem i prekshëm nga të gjithë. Përmirësim i prekshëm.
✱Sin.: i ndjeshëm, emocional, cipëhollë, zemërbutë, prekës, i dukshëm, i perceptueshëm, i cenueshëm, i dëmtueshëm, i ndikueshëm, sedërtar, sedërqar, sedërmadh, zemërdobët, zemërdhembshur, i brishtë, shpirtbutë, i dhembshur, i mallëngjyeshëm, lëkurëhollë, prekës, mallëngjyes, i thekshëm, i kuptueshëm, i kapshëm, i qartë.
TÚRPSH/ËM (i), ~ME (e) mb. 1. Që turbullohet e hutohet shpejt nga diçka e pahijshme a e pandershme, që turpërohet shumë; që druan shumë përpara të tjerëve, që ka turp, që nuk ka guxim, i druajtur; që shpreh turp, shumë i përmbajtur, që skuqet para të tjerëve. Djalë i turpshëm. Vajzë e turpshme. Fëmijë të turpshëm. Vështrim i turpshëm.
2. Që është i ulët dhe i pandershëm, që të ngjall përbuzje, që është në kundërshtim me moralin dhe me normat e shoqërisë; që të bën me turp, që të nxin faqen; që është për turp, që mbaron me turp. Falë të turpshme. Punë të turpshme. Sjellje e turpshme. Tërheqje e turpshme. Vdekje e turpshme. Njollë e turpshme. Punë e turpshme. Veprim i turpshëm.
✱Sin.: i druajtur, i ndrojtur, i marrshëm, i përmarrshëm, i mbyllur, i ndrydhur, ballëfshehur, cipëhollë, i skuqur, i dhunshëm, skandaloz, banal, i pahijshëm, i neveritshëm, poshtërues, fyes, dhunues.
ZHAPËHÓLLË mb. Që e ka lëkurën e hollë; lëkurëhollë, cipëhollë; kund. zhapëtrashë. Fik (shalqi) zhapëhollë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë