Fjalori

Rezultate në përkufizime për “cinizëm”

Mëso si ta përdorësh
<<< Kthehu te kërkimi kryesor në fjalor

CINIK

CINÍK,~U m. sh. ~Ë, ~ËT 1. hist., filoz. Pasues a ithtar i cinizmit në Greqinë e vjetër.
2. Ai që sillet e vepron me cinizëm.

CINIKE

CINÍK/E,~JA f. sh. ~E, ~ET Ajo që sillet e vepron me cinizëm.

CINIZËM

CINÍZ/ËM,~MI m. 1. hist., filoz. Doktrinë filozofike (në Greqinë e vjetër), e cila predikonte mospërfilljen dhe përbuzjen e hapët të zakoneve, të normave të njohura shoqërore e të kulturës, kthimin në gjendjen primitive dhe asketizmin, për të ruajtur virtytin.
2. Qëndrim mospërfillës, përbuzës e tallës kundrejt normave të moralit e zakoneve të shoqërisë dhe kundrejt çdo gjëje që është pranuar e që nderohet nga shoqëria; qëndrim i vrazhdë e i pacipë. Cinizëm i ftohtë. Cinizëm i pashoq. Sillet (flet, vepron) me cinizëm.

MËLMYER

MËLMÝER (i, e) mb. 1. Që i është shtënë yndyrë ose një lëng tjetër. Një pjatë plot me lulelakër të mëlmyer me vaj e uthull.
2. Që është lyer me gjalpë, dhjamë a me diçka tjetër; i yndyrshëm, i bulmuar. Gjellë e mëlmyer. Bukë e mëlmyer.
3. Që është ushqim i shoqëruar me diçka tjetër. Byreku u shërbye i mëlmyer me dhallë.
4. fig. Që vjen i shoqëruar njëkohësisht me diçka tjetër, i bashkëshoqëruar (dikush ose diçka). Grua e mëlmyer në trishtim. E ka zemrën të mëlmyer me mirësi. Zgjidhje të mëlmyer me mëdyshje. Cinizëm i mëlmyer me humor të fortë.
✱Sin.: i lyer, i ngjyer, i yndyrshëm, i bulmuar, i shoqëruar, i bashkëshoqëruar.

QESËNDISJE

QESËNDÍSJ/E,~A f. sh. ~E, ~ET 1. Veprimi kur qesëndis a qesëndisem. Qesëndisje e lehtë. Bën edhe gallatë e lëshon edhe qesëndisje.
2. Qesëndi. Qesëndisje me cinizëm.
✱Sin.: tallje, shpotitje, përqeshje, shpoti.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë