Fjalori

Rezultate në përkufizime për “cilësoj”

Mëso si ta përdorësh
<<< Kthehu te kërkimi kryesor në fjalor

CILËSIM

CILËSÍM,~I m. sh. ~E, ~ET libr. Veprimi kur cilësoj dikë a diçka ose kur cilësohem; vlerësim. Cilësim juridik. Cilësim i drejtë. Cilësimi i fajit. I jap cilësimin.
✱Sin.: karakterizim, përcaktim, dallim, çmim.

CILËSOHEM

►CILËS/ÓHEM jovep., ~ÓVA (u), ~ÚAR libr., pës. e CILËSOJ. Cilësohet me emër. Cilësohet si kërkesë e domosdoshme. Cilësohej pijanec.

CILËSOJ

CILËS/ÓJ vep., ~ÓVA, ~ÚAR kal., libr. 1. E vlerësoj dikë a diçka sipas vetive që ka, jap gjykimin për cilësinë e dikujt a të diçkaje; e karakterizoj sipas një vetie; e çmoj. E cilësoj si të aftë. E cilësoj si me të mirin. E cilësoj fajtor (tradhtar).
2. E dalloj nga të tjerët, e quaj me emër. E cilësoj me një emër a mbiemër.
✱Sin.: vlerësoj, çmoj.

SHPALL

SHPALL vep., ~A, ~UR kal. 1. E bëj diçka të njohur për të gjithë me gojë a me shkrim, njoftoj botërisht; bëj një kumtim zyrtar. Shpall një vendim (një dekret). Shpall një konkurs (përfundimet, fituesit e garave). Shpall fejesën. I shpall garë dikujt. Shpalli mobilizimin (gjendjen e jashtëzakonshme). Shpalli asnjanësinë. I shpalli luftë (për shtetet) njoftoi zyrtarisht fillimin e gjendjes së luftës. Shpall botërisht.
2. Bëj të njohur botërisht e në mënyrë solemne diçka shumë të rëndësishme (zakonisht me anë të një akti zyrtar). Shpalli republikën. Shpallën rrëzimin e monarkisë. Shpallën pavarësinë.
3. E cilësoj dikë a diçka zyrtarisht ashtu si e vlerësoj e si e quaj unë. E shpall të hapur (të mbyllur) një mbledhje (një konferencë, një kongres). E shpallën jashtë ligjit. I shpalli votimet të pavlefshme.
4. bised. (me një trajtë të shkurtër të përemrit vetor në r. dhanore). I kall datën dikujt, e tmerroj, ia shpif. Ta shpall me ata sy.
✱Sin.: botoj, nxjerr, qis, përpall, hap, përhap, paraqis, njoftoj, lajmëroj, deklaroj, vjet. kasnecoj, tellallis, afishoj, kushtetoj, quaj, cilësoj, vlerësoj, tmerroj, shpif; çel, hap, zë, nis, filloj, shpif.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë