Fjalori

Rezultate në përkufizime për “cijatje”

Mëso si ta përdorësh
<<< Kthehu te kërkimi kryesor në fjalor

CICËRIM

CICËRÍM,~I m. sh. ~E, ~ET 1. Të kënduarit e zogjve. Zogu e filloj të bëj një cicërim shumë të bukur.
2. Cicërimë.
✱Sin.: cicëritje, cijatje, pingërim, tuturitje, çuçuritje.

CICËRIMË

CICËRÍM/Ë,~A f. sh. ~A, ~AT 1. Kënga e disa zogjve (si dallëndyshja, trumcaku etj.); zëri i tyre i hollë që nxjerrin kur cicërojnë; zhurmë që i ngjan cicërimës së zogjve. Cicërima e zogjve (e dallëndyshes, e harabelit etj.). Cicërimë e ëmbël kanarine. Cicërima bulkthash. Nisi të dëgjohet cicërima.
2. fig. E folur e shpejtë dhe me zë të ulët (zakonisht për fëmijët). Cicërimat e të qeshurat e vashave të veshura të hareshme. Cicërimat e fëmijëve.
3. fig., keq. Shumë fjalë që mezi dëgjohen ose mezi kuptohen; thashethéme. Bën politikë me cicërima. Vazhdon të merret me cicërima.
✱Sin.: cijatje, cicëritje, çuçurimë.

CIJAMË

CIJÁM/Ë,~A f. sh. ~A, ~AT Cijatje; pingërimë.

CIJATJE

CIJÁTJ/E,~A f. sh. ~E, ~ET 1. Veprimi kur disa kafshë e zogj nxjerrin një zë të hollë e të zgjatur; zëri i tyre; hungërimë; të cijaturit; pingërimë. Cijatjet shumëzërëshe të korit të mëllenjave e bilbilave. Cijasjet e pulëbardhave. Cijatje qensh. Hungurimë qensh.
2. Veprimi kur diçka lëshon një kërcëllimë a një zhurmë të çjerrë; kërcëllimë e zgjatur. Dëgjova një cijatje dere. Fishekzjarrët lëshonin tek binin ca cijatje ngjethëse.
3. Të folur që ngjason me cicërimën e zogjve; cicërim; cicërimë. Në kufjet e hequra, i vinin cijatjet e zërave, të dobëta e mjerane.
✱Sin.: cijamë, cijim, pingërim; pingërimë, hungërimë, të cijaturit, vërshëllimë, kuisje, cicërimë.

CIJATUR

CIJÁTUR,~IT (të) as. Cijatje.

CIJIM

CIJÍM,~I m. sh. ~E, ~ET Cijatje.

CIJZË

CÍJZ/Ë,~A f. sh. ~A, ~AT krahin. Cijamë, cijatje.

GLLUGURIMË

GLLUGURÍM/Ë,~A f. sh. ~A, ~AT 1. Zë i trashë e si i mbytur që del kur kapërdijmë shpejt një gllënjkë uji ose ndonjë lëng tjetër.
2. Zëri i trashë e si i mbytur që nxjerrin gjelat e detit e pulat e detit; cijatje. Gllugurima e gjelave të detit.

KEKLLISHJE

KEKLLÍSHJ/E,~A f. sh. ~E, ~ET 1. Nxjerrja e zërit therës të gjinkallës; cijatje.
2. Zëri therës i gjinkallës. Dëgjohen kekllishje.

PINGËRIMË

PINGËRÍM/Ë,~A f. sh. ~A, ~AT 1. Zë i hollë e i zgjatur që nxjerr një shpend kur cicërin, cicërimë. Nëpër degët e ahut dëgjoheshin pingërimat e zogjve.
2. Kuitje e qenit, e ujkut. Në pyll u dëgjua një pingërimë e madhe.
3. Zëri që lëshon dikush kur sokëllin; cijamë, zë. Pingërima e zanave të bjeshkëve.
✱Sin.: cingërimë, ulërimë, cicërimë cicërim, cijatje, cijamë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë