Fjalori

Rezultate në përkufizime për “bushliqe”

Mëso si ta përdorësh
<<< Kthehu te kërkimi kryesor në fjalor

BUSHLIQE

BUSHLÍQ/E,~JA f. sh. ~E, ~ET 1. Fshikë me ujë që bëhet në lëkurë, flluskë, fulltakë. E dogji dorën e iu bënë bushliqe. M’u ngrit një bushliqe.
2. kryes. sh. Puçrra të vogla që dalin në trup nga vapa, vapore, vapje. Bushliqet e lëkurës.
3. Fshikë mëndafshi, mëshikëz. Bushliqe mëndafshi.
4. Fshikë që lëshon vidhi në trajtë gjethesh.
✱Sin.: flluskë, fulltakë, vapore, vapje.

BUZHELË

BUZHÉL/Ë,~AI f. sh. ~A, ~AT Flluskë që del zakonisht në buzë nga ethet ose nga djegiet. Iu bënë buzhela.
✱Sin.: fshikë, fshikëz, fulltakë, pufkë, pofkë, kakushë, bushliqe, bushiq.

FLLUSKË

FLLÚSK/Ë,~A f. sh. ~A, ~AT 1. Bulë ajri a gazi, që ngrihet në sipërfaqen e një lëngu kur zien ose kur tundet; bulë lëngu që ka ajër ose gaz brenda; një bulë e tillë në sipërfaqen e diçkaje. Flluskë uji. Flluskë ajri. Flluska sapuni. Nxjerr (lëshon) flluska. Formohen flluska.
2. Fshikë në lëkurë e mbushur me ujë a me një lëng si të verdhë, që shkaktohet zakonisht nga djegia ose nga një sëmundje; puçërr me ujë a me qelb. Iu bë një flluskë. U mbush me flluska.
3. anat. Organ a pjesë e butë e një organi, si qeskë e vogël e mbushur me lëng ose me ajër, hojëz; fshikëza e peshkut. Flluskat e mushkërive. Flluskat e peshkut.
4. bot. Sëmundje e bimëve, që ua fryn këtyre gjethet dhe ua bën si fshika. Gjethet i kapi flluska.
5. fig. Plan, mendim, ide a shpresë që nuk ka baza të shëndosha e nuk mund të plotësohet dhe që zhduket a shuhet menjëherë. E gjitha qe një flluskë.
✱Sin.: bulë, lylë, buburiskë, fshikë, fshikëz, hojëz, fulltakë, pufkë, pofkë, buzhelë, bushliqe, shluk, gavole.
♦ Flluskë sapuni mospërf. diçka pa vlerë ose pa baza, që zhduket shpejt e pa lënë gjurmë, diçka që nuk zgjat shumë. Bëhem flluskë dobësohem shumë; ligem fare. Lëshon flluska (dikush) tall. thotë fjalë boshe, flet kot.

GAVOLE

GAVÓL/E,~JA f. sh. ~E, ~ET 1. Lëvozhgë. Gavolja e arrës (e bajames, e lajthisë). Gavolja e vezës.
2. Flluskë uji a sapuni, fshikë me ujë në lëkurë; bushliqe.
✱Sin.: lëvore, flluskë, vapore, bushliqe.

MËSHIKËZ

MËSHÍKËZ,~A f. sh. ~A, ~AT Fshikë, fshikëz; bushliqe. Mëshikëz peshku. Mëshikëz mëndafshi.

PUÇËRR

PÚÇ/ËRR,~RRA f. sh. ~RRA, ~RRAT 1. Koqe e vogël, zakonisht e mbushur me qelb ose me ujth, që del në lëkurën e njeriut a të kafshëve; fshikëz. Puçërr me qelb. I doli një puçërr. U mbush me puçrra. Puçrra e zezë (e keqe) (mjek., veter.) plasja.
2. kryes. sh. bised. Kokrrizë në sipërfaqen e diçkaje. Dardhë me puçrra. Vezë me puçrra.
✱Sin.: pupërr, koqëz, koqe, fshikë, fshikëz, flluskë, vapore, kakushë, kukunj, kukunjaz, argoshë, dregë, dregëz, bulë, bushliqe, buzëz, kokrrizë, obrokth.

VAPORE

VAPÓR/E,~JAII f. kryes. sh. ~E, ~ET Puçrra të vogla që u dalin fëmijëve në trup nga vapa. Iu mbush trupi me vapore.
✱Sin.: vapje, prushkurrize, bushliqe, prush.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë