Fjalori

Rezultate në përkufizime për “burrëreshë”

Mëso si ta përdorësh
<<< Kthehu te kërkimi kryesor në fjalor

BURRNESHË

BURRNÉSH/Ë,~A f. sh. ~A, ~AT 1. Grua trime dhe e papërkulur përballë vështirësive, burrëreshë. Burrneshë e vërtetë. Rrinte kryeulur para burrneshës.
2. etnogr. Femër e virgjër, e betuar pa kthim për beqarinë, e veshur si burrë, që merr përsipër, sipas traditës, të gjitha të drejtat dhe detyrimet sikurse burrat. Vendosi të bëhej burrneshë. Të kthyerit në një burrneshë. U takua me një burneshë.

BURRËRESHË

BURRËRÉSH/Ë,~A f. sh. ~A, ~AT Vajzë a grua trime, e zonja dhe e patundur, ajo që përballon çdo rrezik e vështirësi me guxim, burrneshë. Burrëreshat e Malësisë. Qëndron si burrëreshë.

GJALMËZEZË

GJALMËZÉZ/Ë,~A f. sh. ~A, ~AT 1. Labe që lidhte opingat pas këmbëve me gjalmë të zi. Gjalmëzezat e Labërisë.
2. fig. Grua trime që lufton krahas burrave; burrëreshë. Djemtë e gjalmëzezave.
✱Sin.: trime, trimëreshë, e paepur.

TOROVOLE

TOROVÓL/E,~JA f. sh. ~E, ~ET 1. Burrneshë, burrëreshë.
2. përb. Torollake, budallaqe.
3. Trupmadhe, bulledër. Gjithë ajo torovole.
✱Sin.: burrneshë, burrëreshë, torollake, lluqe, budallaqe trupmadhe, katana.

TRIMËRESHË

TRIMËRÉSH/Ë,~A f. sh. ~A, ~AT Ajo që është guximtare dhe e patrembur në luftë ose përpara çdo rreziku a vështirësie, ajo që nuk ka frikë e nuk thyhet para asgjëje; ajo që nuk di ç’është frika, që nuk i trembet syri; burrneshë, sokoleshë. Trimëreshë e rrallë. Trimëresha e vogël. Trimëreshat e Kosovës. Trimëreshat labe. Ra si trimëreshë.
✱Sin.: trime, burrëreshë, burrneshë, luaneshë, sokoleshë, guximtare, e guximshme, shqipe, shqiponjë, kreshnike, luftëtare.

ZONJA

ZÓNJA (e) f. sh. ~T (të) vet. tr. e shquar. 1. Pronarja e diçkaje, ajo që zotëron një pasuri a diçka tjetër; ajo së cilës i përket diçka. E zonja e mallit. E zonja e librit.
2. Amvisa, gruaja e shtëpisë. E zonja e shtëpisë. Do gjëri të zotin dhe shtëpia të zonjën. (fj. u.).
✱Sin.: burrëreshë, trime, atkinë, amvisë, nikoqire, pronare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë