Fjalori

Rezultate në përkufizime për “burdullak”

Mëso si ta përdorësh
<<< Kthehu te kërkimi kryesor në fjalor

BURDULLAK

BURDULLÁK,~UI m. sh. ~Ë, ~ËT zool. 1. (lat. Gobius paganellus) Peshk deri dymbëdhjetë centimetër i gjatë, i zi me pika të bardha, me fletën e kurrizit si gjemb e pa luspa rreth qafës, që gjendet zakonisht në ujërat e cekëta të Atlantikut Lindor, të Mesdheut dhe të Detit të Zi.
2. Pjesë e parë e emërtimeve të pathjeshta për disa nga llojet e këtij peshku. Burdullak bari (lat. Zosterisessor ophiocephalis) burdullak deri njëzet e pesë centimetra i gjatë, me luspa në kokë, me lëkurë të jargëzuar e me fletë notuese përgjatë kurrizit, që gjendet me shumicë në ujërat e brigjeve të Adriatikut, në laguna dhe në delta lumenjsh. Burdullak gojëkuq (lat. Gobius cruentatus) burdullak deri në tetëmbëdhjetë centimetra i gjatë me pulla të kuqe përqark gojës dhe me jeshile nëpër trup, i përhapur në ujërat e cekëta pranë brigjeve të Atlantikut Lindor dhe të Mesdheut. Burdullak lumi (lat. Neogobius fluviatilis fluviatilis) burdullak deri në dhjetë centimetra i gjatë me trupin ngjyrë kafe të çelët ose të përhimë, që haset në ujëra të ndenjura, të ëmbla e të kripura. Burdullak i zi (lat. Gobius niger) burdullak deri në tetëmbëdhjetë centimetra i gjatë, me trup të zi e me flatra rrezore, i përhapur në ujërat e Atlantikut Lindor, të Mesdheut dhe të Detit të Zi.

RRELL

RRELL,~I m. sh. ~E, ~ET zool. (lat. Gobius paganellus). Burdullak. Luspat e rrellit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë