Fjalori

Rezultate në përkufizime për “bulmetore”

Mëso si ta përdorësh
<<< Kthehu te kërkimi kryesor në fjalor

AJKËTORE

AJKËTÓR/E,~JAIII f. sh. ~E, ~ET vjet. Dyqan ku shitet kryesisht ajkë dhe prodhime të qumështit.
✱Sin.: qumështore, bulmetore, ajkore.

BAÇICË

BAÇÍC/Ë,~A f. sh. ~A, ~AT bised. 1. Gruaja që merret me përgatitjen e bulmetit, bjeshkëtare, bulmetore. Baçicë stani. Ku mblidhen shumë baçica, djathi mbetet pa u zënë. (fj. u.). Kush e ka nënën baçicë, s’e ha bukë thatë. (fj. u.).
2. arb. Amvisë, zonja e shtëpisë. Hyri macja e bëri baçicën hyri macja e u bë zonjë shtëpie. Ka ndërruar baçica ka ndërruar puna, janë të tjerë njerëz. Baçica e mirë - nderi i konakut. (fj. u.).
✱Sin.: amvisë, bjeshkëtare, bulmetore.

BULMETOR

BULMETÓR,~E mb. 1. Që përpunon a shet bulmet; që ka të bëjë me bulmetin. Njësi bulmetore.
2. I bulmetshëm1. Ushqim bulmetor. Lopë bulmetore.

BULMETORE

BULMETÓR/E,~JA f. sh. ~E, ~ET 1. Dyqan bulmeti. Bulmetorja e lagjes. U ndërtuan shumë bulmetore.
2. Punishte për përpunimin e qumështit, punishte bulmeti. Punon në bulmetore.
3. Ajo që merret me përpunimin e bulmetit në punishtet e qumështit. Bulmetore e zonja.
✱Sin.: amvisë, bjeshkëtare, baçicë.

BULMETSHËM

BULMÉTSH/ËM (i), ~ME (e) mb. 1. Që jep shumë qumësht, qumështore (për lopët, delet, dhitë etj.), bulmetore. Lopë (dele, dhi) e bulmetshme.
2. Që është bërë me shumë bulmet; i yndyrshëm. Qumështor i bulmetshëm. Gatesë e bulmetshme.
3. Që ka mjaft lëng e është i shijshëm. Pemë e bulmetshme.
4. fig., bised. Që sjell fryt e dobi, frytdhënës, i bereqetshëm. Punë e bulmetshme. Veprim (bashkëpunim) i bulmetshëm. S’ishte aq i bulmetshëm sa e kërkonim. Paraja me djersë është e bulmetshme. (fj. u.).
✱Sin.: bulmetore, qumështore, i yndyrshëm, i mëlmyer, i yndyrtë, i lyrshëm, i bulmuar, i mëlmyeshëm, frytdhënës, i bereqetshëm, i frytshëm, i dobishëm, i bukshëm.

QUMËSHTOR

QUMËSHTÓR,~EI mb. 1. Që jep shumë qumësht, që ka shumë qumësht; prodhimtare, bulmetore. Dele qumështore. Lopë qumështore lopë gjiri. Kullotë qumështore kullotë e pasur.
2. Që ushqehet vetëm me qumështin e gjirit, që nuk ka filluar ende të ushqehet vetë. Qengj qumështor qengj thithës. Gica qumështorë.
✱Sin.: prodhues, produktiv, i ushqyeshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë