Fjalori

Rezultate në përkufizime për “bullizoj”

Mëso si ta përdorësh
<<< Kthehu te kërkimi kryesor në fjalor

BULLIZIM

BULLIZÍM,~I m. sh. ~E, ~ET psikol. 1. Veprimi kur bullizoj dikë a kur bullizohem. Masat ndaj bullizimit.
2. Gjendja e dikujt që është bullizuar.

MUJSHOJ

MUJSH/ÓJ vep., ~ÓVA, ~ÚAR kal. 1. Përdor forcën vetëm pse mundem me qëllim që ta detyroj një tjetër të bëjë diçka ashtu siç dua unë, shpërdoroj fuqinë a pushtetin për të sunduar me përdhunë mbi të tjerët ose për të bërë ç’dua unë; e detyroj dikë me dhunë e prepotencë; bullizoj. Mos e mujsho dikë pse është i varfër!
2. fig. Ushtron forcë sepse e ka në dorë atë pushtet, e mundon shumë. Poetin e mujshon heshtja.
✱Sin.: detyroj, bullizoj.

TARASHKAT

TARASHKÁT vep., ~A, ~UR kal. 1. Hapërdaj, hallakat, shpërndaj. Ra shqipja dhe tarashkati pulat. Ra ujku dhe tarashkati kopenë.
2. Sillem keq me dikë, keqtrajtoj dikë, tall, bullizoj dikë. E tarashkatnin shokët e klasës.
3. Trazoj, shqetësoj, prish qetësinë (rehatinë). Fqinji i keq të tarashkat gjithnjë.
✱Sin.: hapërdaj, hallakat, shpërndaj, keqtrajtoj, tall, bullizoj, trazoj, shqetësoj.

TEJNGACMOJ

TEJNGACM/ÓJ vep., ~ÓVA, ~ÚAR psikol., kal. Ngacmoj së tepërmi, e bezdis orë e çast, e bullizoj. E tejngacmonin shokët e klasës.

TRAZOJ

TRAZ/ÓJ vep., ~ÓVA, ~ÚAR 1. kal. Përziej diçka me dorë a me ndonjë mjet tjetër, zakonisht kur e ziej, kur e hedh në një lëng për ta tretur, kur e kthej ose kur e shpërndaj. Trazoj gjellën (qumështin). Trazoje me lugë. Trazoj sheqerin. Trazoj brumin (llaçin). Trazoj miellin (misrin).

2. kal. Përziej dy lëndë të ndryshme; prish rendin a rregullin e diçkaje; ngatërroj, nakatos. Trazoi dhentë me dhitë. Trazoi rërën me gëlqeren. Trazoj bojërat. Trazoi letrat. I trazoi plaçkat.

3. kal. Ngacmoj diçka, nguc; e prek me dorë a me diçka tjetër. Trazoj zjarrin e përpush, e shprush. Trazoj prushin me mashë. Mos e trazo plagën! Mos ma trazo flokun!

4. kal. Shqetësoj dikë duke e prekur me dorë, duke i thënë fjalë që e mërzitin ose duke e tallur, nuk e lë të qetë; ngacmoj, ngas. Trazon fëmijët. Nuk të trazon njeri. Mos e trazoni shokun. E trazonin pareshtur shokët e klasës.

5. fig., kal. Shqetësoj dikë, e bëj merak; i prish qetësinë dikujt, e bezdis, e mërzit; i qepem dikujt për të marrë vesh diçka, ngacmoj, ngas. Po ju trazoj pak. Mos e trazoni, se është i sëmurë!

6. fig., kal. Fut përçarje ose grindje ndërmjet dy a më shumë njerëzve; ngatërroj. Trazon botën (dynjanë). I trazon të gjithë.

7. fig., kal. Turbulloj diçka, e bëj të errët e të paqartë, e ndërlikoj, e ngatërroj, prish. Ia trazoi mendimet. I trazoi punët.

8. bised., kal. Prashit tokën e mbjellë për të dytën herë, e përziej. Trazoj tokën.

9. jokal., vet. v. III Më përzien, më vjen të përzier. Po më trazon më vjen për të vjellë.

10. euf. Marr, vjedh. Nuk trazon gjë ai nuk prek gjë, nuk merr, nuk vë dorë, nuk vjedh. Mos trazo gjë në mallin e tjetrit. Në lagjen tonë nuk trazon njeri.

✱Sin.: përziej, ngatërroj, ngacmoj, nguc, ngas, bullizoj, bezdis, mërzit, ngatërroj, turbulloj, ndërlikoj, marr, vjedh.

♦ I trazon (i ngjit) *dora (dikujt) përb. Trazoj *fjalët (me dikë). Më trazoi *gjakun (dikush a diçka). Trazon (luan, shtyn) *urët (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë