Fjalori

Rezultate në përkufizime për “bullizëm”

Mëso si ta përdorësh
<<< Kthehu te kërkimi kryesor në fjalor

BULLIZUES

BULLIZÚES,~E mb., psikol. 1. Që lidhet me bullizmin, i bullizmit. Qëndrim (veprim) bullizues. Sjellje bullizuese.
2. Që nxit a çon në bullizëm, duke ushtruar dhunë fizike, psikologjike etj. ndaj të tjerëve. Fëmijë bullizues. Mjedise bullizuese.
3. si em. m. e f. Sipas kuptimeve të mbiemrit.

BULLIZËM

BULLÍZ/ËM,~MI f. sh. ~A, ~AT (ang. bullying) psikol. Sjellje a dukuri shoqërore kur dikush a disa vetë, përmes forcës ose pushtetit të tyre, frikësojnë, dhunojnë, përndjekin ose ushtrojnë trysni në mënyrë të përsëritur ndaj të tjerëve më të dobët se ata, të cilët nuk dinë a nuk mund të mbrohen, duke u shkaktuar atyre pasoja të rënda psikologjike, fizike etj. Akte bullizmi. Pasojat e bullizmit. Bullizëm psikologjik dhunë psikologjike e dikujt që shkakton stres emocional, ankth, depresion, dëmtim psikologjik etj. te dikush tjetër. Bullizëm fizik dhunë fizike që ushtron dikush ndaj dikujt tjetër për ta dëmtuar atë fizikisht. Bullizëm verbal përdorimi i fyerjeve, i sharjeve, i poshtërimeve etj. ndaj dikujt duke i shkaktuar atij gjendje të keqe emocionale. Bullizëm elektronik shfrytëzimi i rrjeteve sociale në internet duke shpërndarë lajme, foto, mesazhe negative etj. në dëm të dikujt. Bullizëm shkollor sjellje, qëndrime e akte të padrejta ndaj një nxënësi a një grupi nxënësish, që ushtrohen në një mjedis shkollor nga bashkëmoshatarët e tyre ose nga mësuesit. Bullizmi në punë sjellje të rënda në mjedisin e punës nga dikush ndaj një personi tjetër, si fyerje, tallje, diskriminim etj. Bullizëm social sjellje a veprime negative që kanë për qëllim të veçojnë dikë nga rrethi i tij shoqëror a nga shoqëria në përgjithësi.

PREPOTENCË

PREPOTÉNC/Ë,~A f., libr., keq. Pushtet a forcë që dikush e përdor për të trembur, për të detyruar a për të shtrënguar një tjetër të bëjë ashtu si thotë ai; mujshi. Sillej me prepotencë. E kritikuan ashpër për prepotencë.
✱Sin.: mujshi, dhunë, fuqi, pushtet, diktat, bullizëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë