Fjalori

Rezultate në përkufizime për “buklidhë”

Mëso si ta përdorësh
<<< Kthehu te kërkimi kryesor në fjalor

BUKLIDHË

BUKLÍDH/Ë,~A f. sh. ~A, ~AT Kunji i shtizës së parmendës, otresh. Buklidhë druri (hekuri).
✱Sin.: otresh, kunj, qajkë, sorrëz.

REJË

RÉJ/Ë,~A f. sh. ~A, ~AT 1. Thupër ose degë e njomë, që përdridhet së bashku me të tjerat për të lidhur diçka, guzhmë; filiz ose degë e njomë. Rejat e parmendës. Këput (pres) reja. Lidh me rejë. Qëlloi me rejë.
2. Kunj druri i përkulur, që shërben për të lidhur shtizën e parmendës me zgjedhën; dru i përkulur a me gëthapë, që ngulet në një tra për ta tërhequr zvarrë. Tërheq me rejë.
✱Sin.: guzhmë, thupër, buklidhë, qeçkë.

RROGËZ

RRÓGËZ,~A f. sh. ~A, ~AT Kunj që vihet për të bashkuar dorëzën e parmendës me shtizën. Rrogëza druri. Prodhonte rrogëza të veçanta.
✱Sin.: buklidhë, sqapth.

SORRËZ

SÓRRËZ,~A f. sh. ~A, ~AT Kunj i vogël prej druri që mban rrathët prej hekuri në krye të shtizës së parmendës a të qerres për t'u lidhur me zgjedhën. Dëmtimi i sorrëzës bëri që karroca të ndalej.
✱Sin.: buklidhë, kunj, citë, rreze, spicë.

SPICË

SPÍC/Ë,~A f. sh. ~A, ~AT 1. Ashkël druri e hollë e me majë, cefël e vogël druri. Spica pishe. Kruaj me spicë. Ju ngul një spicë. I hyri një spicë në gisht (në thua).
2. fig., kryes. sh. Fjalë që thuhen për të futur të tjerët në ngatërresa, fitme, kalla. Shtie (fut) spica. Hedh spica. Flet me spica hedh thumba kundër dikujt, përdor fjalë therëse.
3. Secili nga drunjtë që lidhin bucelën me rrethin e rrotës së qerres, të karrocës etj.; rreze. Spicat e rrotës. Iu thye një spicë.
4. vet. sh. Degë të holla për të ndezur zjarrin, karthje. Spica dëllinje. Solli ca spica.
✱Sin.: bjezgë, cifël, cipal, kleçkë, nishk, qenëz, kunjëz, hep, gjemb, halë, fite, fitila, thumb, ferra, ferrca, shtjera, fara, thimth, xip, sfinë, ginga, buklidhë, citë, rrogëz, sqapth.
♦ Fut spica (dikush) thotë fjalë me thumba për të ngacmuar dikë ose për të ngatërruar të tjerët; fut fite; fut kunja; fut pyka. I fut spicat (dikujt) e shtyn për keq a e nxit kundër dikujt, e shpon kundër dikujt, e fut në grindje me dikë; i fut gjilpërat; i fut një grusht miza. Spicë e ndezur keq. njeri ngatërrestar, dikush që të fut menjëherë zjarrin në shtëpi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë