Fjalori

Rezultate në përkufizime për “bujtës”

Mëso si ta përdorësh
<<< Kthehu te kërkimi kryesor në fjalor

BUJTAR

BUJTÁR,~I m. sh. ~Ë, ~ËT 1. Bujtës.
2. Ai që pret miq në shtëpinë e tij, i zoti i shtëpisë. Bujtari ka mjaft miq besnikë.
3. I zoti i bujtinës, bujtinar.

BUJTËS

BÚJTËS,~E mb. 1. Që bun, që kalon natën diku. Ka ardhur bujtës te ne. Vendet bujtëse.
2. spec. Që bëhet shtrat për diçka, mbartës. Organizëm bujtës. Qelizë bujtëse. Bimë bujtëse.

BUJTËS

BÚJTËS,~I m. sh. ~, ~IT 1. Ai që kalon natën ose fle përkohësisht diku, ai që rri një natë a më shumë si mysafir te dikush, ai që vjen për të bujtur; ai që rri disa ditë në një vend; bujtar. Bujtës të përhershëm. Bujtësit e hanit. Bujtës të largët. Nuk jemi as të huaj e as bujtës. Vijnë shumë bujtës. Presim përherë bujtës.
2. spec. Ai që bëhet shtrat për diçka, mbartës. Bujtës ndërmjetës (përfundimtar) i larvave. Bujtësit e mikrobeve. Raporti parazit - bujtës.

MIK

MI/K,~KU m. sh. ~Q, ~QTË 1. Ai me të cilin kemi miqësi; ai që na do të mirën, na ndihmon me gjithë zemër e na gjendet në çdo nevojë; një i njohur, me të cilin kemi lidhje të ngushta, njeri i afërt; kund. armik. Mik i ngushtë (i vërtetë, i shtrenjtë). Mik i rremë. Mik i vjetër (i hershëm). E kam mik. Jemi miq prej shumë kohësh. E ka zënë (e ka bërë) mik. Miq e dashamirë. Mik me (për) kokë mik shumë i dashur e i ngushtë. Hiqet si mik. Mik i familjes (i shtëpisë) njeri shumë i afërt i familjes. E rregulloi me mik (me anë miku) e rregulloi me ndihmën e një të njohuri, me rrugë të tërthorta e jo të drejta. I futi një mik bëri që të ndërhyjë një i njohur i tij për të rregulluar një punë, duke ndjekur kështu një rrugë jo të drejtë. Ia gjeti anën mik mbas miku gjeti mënyrën për të bërë diçka me ndihmën e miqve të miqve të tij. Mik për fiq (bised.) ai që shtihet si mik i dikujt për të nxjerrë përfitime prej tij, mik i rremë. Miku i mirë njihet në të vështirë. (fj. u.). Më mirë një mik (besnik), se një çiflig. (fj. u.). Mikut ankoju, armikut lëvdoju. (fj. u.). Më mirë pa miq, se me miq të ligj. (fj. u.). Hekuri njihet në zjarr, miku në nevojë. (fj. u.). Kur m’u dogjën mullarët, njoha miqtë e kumbarët. (fj. u.).
2. Ai që përkrah, ndihmon ose mbron dikë, dashamir; popull, vend, shtet etj., me të cilin kemi marrëdhënie të mira miqësore. Mik i Shqipërisë. Miqtë e vendit tonë. Kemi miq në gjithë botën.
3. Mysafir që vjen për të bujtur në shtëpi; ai që ftohet për të marrë pjesë në një festë etj. Mik i huaj (i largët). Mik i rëndë mik që kërkon ta presësh më shumë të mira e ndere. Miq të nderuar! Dhoma e miqve. I veshur si për mik i veshur me rroba të reja. Mbrëmë patëm dy miq nga qyteti (nga fshati). Mori edhe një mik pas vetes. A do miq, o i zoti i shtëpisë? Pret e përcjell miq. Si miku edhe lakrori (sofra). (fj. u.). Si është miku, bëhet petaniku. (fj. u.). Mikun prite e nderoje, po mos e bëj zot shtëpie! (fj. u.)
4. sport., vet. sh. Skuadër lojtarësh të një klubi, të një rrethi a vendi tjetër, që ndeshet me skuadrën vendëse; kund. vendësit. Miqtë fituan (humbën) dy me zero.
5. etnogr. Secili nga meshkujt e familjes së nuses (babai, vëllai etj.) kundrejt njerëzve të dhëndrit. E bëri mik.
6. Përkrahës e mbrojtës i diçkaje, dashamir; ai që është shumë i dhënë pas diçkaje. Mik i punëtorëve (i të rinjve, i fëmijëve). Mik i madh i kafshëve. Mik i përparimit (i lirisë, i së vërtetës). Mik i artit. Miqtë e librit. Miku i detit. I dhanë titullin ‘Miku i librit’.
7. bised. Dikush, të cilit nuk ia dimë emrin ose nuk duam t’ia përmendim; një njeri. E takove atë mikun? Kush ishte ai mik? Dje erdhi edhe ai miku.
8. bised. Dashnor, i dashur. Kishte zënë një mik. E kishte mik të zemrës.
9. bised. Përdoret bashkë me fjalën ‘lum’, kur i drejtohemi një njeriu, të cilit nuk ia dimë emrin ose një bashkëbiseduesi të zakonshëm. - Kështu, lum miku! - Besa, more lum miku, as unë nuk e di. - S’i the, lum miku? - Po, lum miku, i mirë ka qenë.
10. Këmbaleci drurit ku mbështeten drutë për t’i prerë a për t’i sharruar.
✱Sin.: mirëdashës, dashamir, mysafir, bujtës, i ftuar, mbrojtës, përkrahës, i dashur, dashnor, jaran, akraba, krushk.
♦ E bëj *petanikun si të jetë miku. Kujto mikun e bëj gati dashin thuhet kur papritur vjen dikush, të cilin sapo e kemi përmendur dhe që e duam, e mirëpresim; kund. kujto qenin e bëj gati shkopin keq. Kujto mikun bëj gati petanikun shih kujto mikun e bëj gati dashin. Mik për kokë njeri shumë i besuar, besnik. E lau mikun (vëllanë) etnogr. shih te LAJ 7.

SHTUNAK

SHTUNÁK,~U m. sh. ~Ë, ~ËT 1. Mik i rastit, që e sjell puna të kalojë natën te dikush. I kishte ardhur një shtunak. Shtunak i ri.
2. vjet Ai që shkon i paftuar në gosti.
✱Sin.: mysafir, bujtës, bujtar, foler, mënor.

TEJTAR

TEJTÁR,~I m. sh. ~Ë, ~ËT Ai që është bujtës, mysafir, mik, i pranishëm te dikush. Dje pati shumë tejtarë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë