Fjalori

Rezultate në përkufizime për “bubulesh”

Mëso si ta përdorësh
<<< Kthehu te kërkimi kryesor në fjalor

BUBULESH

BUBULÉSH,~E mb. 1. Që ka lesh të dendur në trup, me shumë lesh (zakonisht për qentë); leshtor, leshatak. Qen bubulesh. Krimb bubulesh. Kurriz bubulesh. I dukej gjoksi bubulesh.
2. I mbuluar me push; që ka shumë push; i butë si push; pushatak. Copë bubuleshe. Zogu i vogël bubulesh. Qen bubulesh. Kërcell bubulesh.
3. fig., mospërf. Që nuk është i zgjuar, që nuk ia pret shumë, i trashë (kërcu) nga mendja; i leshtë. Djalë bubulesh.
4. si em. m. e f. Sipas kuptimeve të mbiemrit.
✱Sin.: pushatak, pushator, bulesh, i pushtë, pushlor, pushalesh, pushalli, i leshtë, leshko, i leshur, sylesh.

BULESH

BULÉSH,~E mb. Që ka shumë lesh në trup, leshtor, leshatak. Djalë bulesh.
✱Sin.: leshtor, leshatak, leshtak, pupalesh, i leshtë, i leshur, i leshtormë, gogolesh, bubulesh, qimosh, kalesh, qimedendur.

BULESH

BULÉSH,~I m. sh. ~Ë, ~ËT krahin. 1. Burrë leshtor, ai që e ka trupin me shumë lesh, bubulesh.
2. fig., keq. Bubulesh3.

LESHTOR

LESHTÓR,~E mb. 1. Që ka qime të gjata e të dendura, që ka shumë lesh në trup. Burrë leshtor. Qen (kalë) leshtor. Me duar (me këmbë) leshtore. Me kraharor (me kurriz) leshtor. Me vetulla leshtore.
2. Që jep shumë lesh (për bagëtitë e imëta). Dele (dhi) leshtore.
3. Që e ka trupin të mbuluar me push ose me fije të holla e të buta (për kërcellin, gjethet e frytet e disa bimëve, për disa lloje krimbash). Me kërcell leshtor. Me gjethe (me rrënjë) leshtore. Krimb leshtor.
4. Leshator2. Pule leshtore.
5. I leshtë. Kapele leshtore.
✱Sin.: gogolesh, leshatak, pushalesh, i leshur, qimedendur, kaleshan, i leshtormë, bubulesh, leshator, i leshtë.

PUSHATAK

PUSHATÁK,~E mb. 1. Që është i mbuluar me qime të holla, të buta e të dendura. Qen pushatak.
2. Që është i mbuluar me shumë pupla të vogla e të buta; që ka push në trup. Zog pushatak.
3. Që është me push, që ka shumë push (për një stof, pëlhurë etj.). Qilim pushatak. Shapkë pushatake.
4. si em. m. e f. Sipas kuptimeve të mbiemrit.
✱Sin.: pushator, i pushtë, pushlor, pushalesh, pushalli, bubulesh, leshtak, leshatak, leshtor, leshator, pupalesh, puplak, puplash.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë