Fjalori

Rezultate në përkufizime për “bubu”

Mëso si ta përdorësh
<<< Kthehu te kërkimi kryesor në fjalor

BOBO

BOBÓ pasth. 1. Shpreh keqardhje, dhembje ose vuajtje për një fatkeqësi; bubu, oh. - Bobo, ç'e gjeti! - Bobo, ç'u rrëzua! - Bobo, i shkreti ai! Mos qesh kur tjetri bën “oh”, se do të qeshë tjetri kur të bësh “bobo”. (fj. u.).
2. Shpreh habi para një të papriture ose për diçka jo të zakonshme; obobo. - Bobo, sa thellë qenka! - Bobo, sa shumë male! - Bobo, sa e paska kokën!
3. Shpreh shqetësim për diçka të papëlqyeshme që mund të ndodhë, frikë para një rreziku etj.; obobo, bubu. - Bobo, kush i del atij përpara! - Bobo, ç’më gjeti!
4. Shpreh mërzi ose mungesë dëshire për të bërë diçka. - Bobo, kush ia hyn asaj pune!

BU

BU pasth. Përdoret kur shprehim çudi a shqetësim ose kundërshtim për diçka të papritur a të papranueshme; bah; bubu. - Bu, tashti natën!
♦ E merr me bu (dikush). 1. E bën diçka me rrëmbim e me zhurmë të madhe, nuk e merr shtruar. 2. Ndodh shpejt e me vrull, bëhet me rrëmbim.

BUBU

BUBÚ pasth. Përdoret kur shprehim pikëllim a një brengë, një shqetësim të madh ose keqardhjen e thellë për dikë a për diçka që na vjen e papritur; bobo. - Bubu, mor kurbet i zi! - Bubu, ç’na gjeti! Vajta një ditë me shtjerra, / Bubu nata, bubu sterra. (folk.).

OBOBO

OBOBÓ pasth. 1. Përdoret kur shprehim keqardhje të madhe, dhimbje të thellë ose vuajtje për një fatkeqësi; bobo. Obobo, ç’e gjeti të mjerin! Obobo, si ishte bërë i shkreti!
2. Përdoret kur shprehim habi të madhe para një të papriture ose për diçka jo të zakonshme, bobo. Obobo, sa qenka! Obobo, sa të bukura.
3. Përdoret kur shprehim shqetësim, pakënaqësi a mërzi të madhe për diçka që mund të ndodhë, frikë para një rreziku etj.; bobo, bubu. Obobo, kush merret me të tani! Obobo, kush i del atij! Obobo, kush e bën përsëri gjithë këtë punë! Obobo, kush shkon edhe një herë atje!

PUPU

PUPÚ pasth. Bubu. Pupu, ç’e gjeti atë! Pupu, sa prapa mbetën! Pupu, ç’paska ngjarë!

UBUBU

UBUBÚ pasth. 1. Shpreh shqetësim a frikë përpara një të keqeje ose një dhembjeje. -Ububu, ai i mjeri! -Ububu, ç'e gjeti! -Ububu, sa më dhemb!
2. Përdoret për të shprehur habi, kënaqësi sidomos në këngë e raste gëzimi. -Ububu me këto gërsheta! Seç m’i more mendtë e shkreta (folk.).
✱Sin.: obobo, bobo, bubu.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë