Fjalori

Rezultate në përkufizime për “buçe”

Mëso si ta përdorësh
<<< Kthehu te kërkimi kryesor në fjalor

BALE

BÁL/E,~JA f. sh. ~E, ~ET 1. Bushtër, buçe; femra e zagarit.
2. Lopë me pulla të bardha në trup; dele e bardhë.

BISHTDREDHUR

BISHTDRÉDHUR mb. 1. Me bisht të dredhur. Kec bishtdredhur.
2. përçm. Që shkon me të tjerë, e përdalë (për femra). Grua bishtdredhur. Femra bishtdredhura.
✱Sin.: kurvë, prostitutë, putanë, zuskë, lavire, bishtlëvizur, bishtlëshuar, e përdalë, e lëvizur, bushtër, buçe.

BUSHTËR

BUSHT/ËR,~RAI f. sh. ~RA, ~RAT 1. Femra e qenit, buçe, shakë. Bushtër tinëzare. Leh si bushtër. Kjo bushtër duket e frikshme. Ia hoqi zinxhirin bushtrës. Bushtra që nxiton shumë, pjell këlyshë të verbër. (fj. u.). Bushtra vetëm këlyshët e saj lëpin. (fj. u.).
2. fig., shar., bised. Grua që s’mban qëndrim të mirë moral, grua e ligë, e përdalë, bishttundur, bishtdredhur; grua llafazane e ngatërrestare. Bushtër e vjetër (bishtdredhur). Bushtër e keqe dhe e pabesë. Ishte një bushtër që s’e kishte shoqen në fshat! - Cila bushtër të polli ty, Zarik? Po të jesh bushtër, qentë do të mbledhësh. (fj. u.).
3. mit. Qenie e përfytyruar si kuçedër, që sipas besimeve popullore villte zjarr e rrufe.
4. (lat. Gryllus gryllotalpa) zool. Dosëz. Bushtra ha rrënjët e domates.
✱Sin.: buçe, bushtërz, shakë, kuçkë, meçkë, lushë, lutë, gore, dragua, flokështrigë, përbindësh, dosë, arrç, baldosë, dosëz.
♦ *Bishti i bushtrës përb. vulg.

BUÇE

BÚÇE mb. Që e ka fytyrën të mbushur, e shëndoshë, buçkë. Fytyrat buçe e rrumbullake.

BUÇE

BÚÇ/E,~JA f. sh. ~E, ~ET 1. Bushtër. Buçe e zezë. Ia hoqi zinxhirin buçes. Buçes, po s’e luajti bishtin, s’i ngjiten qentë prapa. (fj. u.).
2. Femra e ujkut; ujkonjë.
3. fig., keq. Organ i të folurit te njeriu, i vështruar si shprehës i mendimeve e i ndjenjave; gojë. - Mbylle buçen! - Mos e hap kaq shumë buçen!
4. shar. Grua e pandershme, femër e përdalë. Është një buçe që s’ia gjen shoqen.
5. Pjella femër e lopës, viçe, mështjerrë (mëshqerrë). Buçe motake. Mish buçeje. E lëshon buçen të kullosë.
✱Sin.: bushtër, shakë, kuçkë, meçkë, lushë, lutë, gore, ujkonjë, gjuhë, sqep, tytë, zdërre.

PICIFERRË

PICIFÉRR/Ë,~A f. sh. ~A, ~AT Grua e përdalë, grua e lëvizshme, piliherdhe.
✱Sin.: bishtdredhur, bishtpërdredhur, buçe, bushtër, bythëjashtë, lavire, shkërdhatë, shthuramane, lazdrajkë.

PËRDALË

PËRDÁLË (i, e) mb., keq. I shthurur moralisht, që nuk e ruan nderin e vet njeri. Vajzë (grua) e përdalë.
✱Sin.: lavire, prostitutë, i shpërdalë, i shthurur, imoral, i lig, bishtdredhur, bishtpërdredhur, bishtluajtur, bishtlëvizur, bishttundur, bishtlëshuar, brimadhe, bushtër, ligoshe, kurvë, piliherdhe, e pandershme, e lëvizshme, e lëvizur, e lëshuar, qejfleshë, e paqëndrueshme, levarashe, lakandere, lapërdhare, lastroke, lerashe, meçkë, molare, lojcake, lojëse, ligoshe, e shpërdalë, brimadhe, shurrufull, buçe, buçë, shkërdhatë, putanë, i pabrekë, brekëlëshuar, çengi, kuçkë, furde, xhadi, zuskë, dosë, ngridhë, ngridhkë, çingane.

PËRDALË

PËRDÁL/Ë,~A (e) f. sh. ~A, ~AT (të) Ajo që është e përdalë.
✱Sin.: lavire, prostitutë, bushtër, molare, ligoshe, kurvë, piliherdhe, qejfleshë, levarashe, lakandere, lapërdhare, lastroke, lerashe, meçkë, lojcake, lojëse, ligoshe, buçe, buçë, shkërdhatë, putanë, çengi, kuçkë, furde, xhadi, zuskë, dosë, ngridhë, ngridhkë, çingane.

RRUSPIE

RRUSPÍ/E,~A f. sh. ~E, ~ET Femër që gjykohet për sjellje morali jokorrekte nga grupi shoqëror ku bën pjesë. Nuk ishte rruspie. Ajo rruspie punonte fshehurazi.

✱Sin.: kurvë, prostitutë, lavire, baxhellë, bushtër, lapere, buçe, zuskë.

SHAKË

SHÁK/Ë,~A f. sh. ~A, ~AT 1. Femra e qenit; bushtër, buçe. Shaka bëri katër këlyshë. Shaka lehte e nuk pushonte. E kishte frikë shakën kur ishte me këlyshë të vegjël.
2. Grua e përdalë, lavire. Shakë rrugësh. Këlysh shake. Shakë e keqe!
✱Sin.: bushtër, buçe, gore, lushë, lutë, kudër, langore, e përdalë, lavire.

UJKONJË

UJKÓNJ/Ë,~A f. sh. ~A, ~AT Femra e ujkut. Strofulla e ujkonjës.
✱Sin.: ulkonjë, buçe, ujkeshë.

ZAGARE

ZAGÁR/E,~JA f. sh. ~E, ~ET 1. Bushtër, buçe. Mbante një zagare të mirë për thëllëza. Gjuha qyqare leh si zagare. (fj. u.).
2. fig., shar. Grua a vajzë që sillet rrugëve kot e bredh pas meshkujve; femër e ligë, e përdalë. Më mirë hiç fare se një zagare. (fj. u).
✱Sin.: bushtër, buçe, shakë, qene.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë