Fjalori

Rezultate në përkufizime për “brymës”

Mëso si ta përdorësh
<<< Kthehu te kërkimi kryesor në fjalor

BOJËGJAK

BOJËGJÁK,~E mb. Që ka ngjyrë të kuqe të ndezur si të gjakut. Bluzë bojëgjake. Vezullimi bojëgjak i dredhëzave. Moj e mira jelekë bojëgjake, / Vishma veshjen podrimçake. (folk.).
✱Sin.: i kuq, i kuqërremë, i lëkuq, flakë, brymës, i përsyktë, i rremtë.

BRYMOR

BRYMÓR,~I m., vjet. Muaji nëntor, brymës. Si pjalmi në muaj të brymorit.

BRYMË

BRÝM/Ë,~A f. sh. ~A, ~AT dhe ~RA, ~RAT 1. Reshje e ngjashme me borën, që formohet si shtresë shumë e hollë nga ngrirja e vesës ose e mjegullës mbi sipërfaqen e tokës, mbi bar, mbi fletët e bimëve, mbi sendet e ftohta etj.; vesë e ngrirë. Bryma e parë. Bryma e vjeshtës. Brymë në Sahara! Cipë bryme. Ra brymë. Pamje e bukura e brymës. E zuri (e prishi) bryma. Mimozat shpërthejnë papritur përmes brymës së pemëve. Rrofsh sa kungulli në brymë! (tall.). Mori çika vetullkurorë, / A je brymë a je borë. (folk.). Bryma s'bëhet dëborë. (fj. u.). Ajo brymë për atë frymë është bërë. (fj. u.).
2. Shtresë e hollë kristalesh akulli që formohet nga ngrirja e avujve ose e lagështirës së ajrit në sipërfaqen e sendeve të ftohta, në frigoriferë etj.
✱Sin.: brazimë, mardhë, çaf, ciknë.
♦ Brymë në diell diçka që mbaron shpejt, që zhduket menjëherë, që shkrin sakaq pa lënë gjurmë; shkrihet (humbet, tretet) si kripa në ujë (diçka). Brymë para diellit diçka së cilës do t’i vijë fundi shpejt, diçka që s’e ka të gjatë; diçka së cilës i vjen e keqja prapa. Aq sa mban bryma fare pak; shumë shpejt, menjëherë; sa të marrësh frymë; sa të thuash një.

BRYMËS

BRÝMËS,~E mb. 1. Që ka ngjyrë gështenjë në të kuqe, në ngjyrë të uthullës, i kuqërremë, i mushkëllyer (kryesisht për kuajt). Kalë brymës. Pelë brymëse.
2. si em. m. Sipas kuptimit të mbiemrit. Djali i hipi brymësit e sikur fluturoi.
✱Sin.: i kuqërremë, i mushkëllyer, i përsyktë, i remtë, i lëkuq, i kuq.

NËNTOR

NËNTÓR,~I m. Muaji i njëmbëdhjetë i vitit, që vjen pas tetorit; vjeshtë e tretë, brymë. Ditë nëntori. Festat e nëntorit. Shirat e nëntorit. Më 28 nëntor.
✱Sin.: brymës, brymor, shëmëhill.

ZBARDHËLLIMË

ZBARDHËLLÍM/Ë,~A f. Zbardhëllim. Zbardhëllima e dëborës (e brymës). Zbardhëllima e mëngjesit.
✱Sin.: ag, agim, bardhëllimë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë