Fjalori

Rezultate në përkufizime për “brumohet”

Mëso si ta përdorësh
<<< Kthehu te kërkimi kryesor në fjalor

BRUMIM

BRUMÍM,~I m. sh. ~E, ~ET 1. Veprimi kur brumoj miellin; përgatitje e brumit; ngjeshje, brumosje.
2. Gjendja kur brumojmë a kur brumohet diçka; brydhje, zbrujtje, zbutje. Nga brumimi frutat murrëtehen.
✱Sin.: ngjeshje, brumosje, ngjizje, zbrujtje, brumim, zbrunim, brumosje, zbutje, brydhje.

BRUMOHET

►BRUM/ÓHET jovep., ~ÚA (u), ~ÚAR vet. v. III 1. vetv. Bëhet brumë, mbruhet. Mielli i misrit nuk brumohet lehtë.
2. vetv. Zbutet, zbruhet. Pjepri i lënë në diell brumohet e s’hahet më.
3. pës. e BRUMÓJ.
✱Sin.: brumoset, mbruhet, ngjishet, ngjizet, zbutet, brydhet, baltet, squllet, ndulket, tutëlohet, sqaqet.

BRUMOSEM

►BRUMÓS/EM jovep., ~A (u), ~UR 1. vetv., vet. v. III Zbutet duke u gatuar, bëhet si brumë; mbruhet.
2. fig., vetv. Formoj karakterin e botëkuptimin tim, edukohem, kalitem; formohem si njeri. U brumos me virtyte të larta. Kështu është brumosur brezi ynë. Në këtë mjedis jemi brumosur të gjithë.
3. fig., vetv., vet. v. III Përgatitet; forcohet, bëhet i pathyeshëm.
4. pës. e BRUMÓS.
✱Sin.: brumohet, mbruhet, ngjishet, ngjizet, gatuhem, përgatitem, edukohem, formohem, forcohet, fuqizohet, mëkëmbet, përmirësohet.

BRUMËZOHET

►BRUMËZ/ÓHET jovep., ~ÚA (u), ~ÚAR vet. v. III 1. vetv. Zbutet e bëhet si brumë; zbruhet. Dardha brumëzohet më shpejt se ftoi.
2. pës. e BRUMËZÓJ.
✱Sin.: brumohet, brumoset, zbrumet, zbrumohet, zbutet, brydhet, zbruhet, baltet, squllet, ndulket, tutëlohet, sqaqet.

ZBRUHEM

►ZBRÚ/HEM jovep. ~JTA (u), ~JTUR 1. vetv., vet. v. III Bëhet i butë si brumë, zbutet diçka e fortë a e thatë. Zbruhen dardhat (ftonjtë). Edhe pjeprin, po ta lesh shumë kohë në diell, zbruhet dhe s’hahet më. Iu zbrujtën duart.
2. fig., vetv. Ligështohem, bëhem i dobët e i pafuqishëm; bëhem më i butë, zbutem. I është zbrujtur karakteri (vullneti). Është zbrujtur ca kohët e fundit. Ç’më je zbrujt e ligështue, / Moj e mira e nanës-o. (folk.). Muzgu u zbrujt krejt. Poeti u zbut e u zbrujt si rrallëherë. U zbrujta prej ngashërimeve.
3. pës. e ZBRUJ. Është zbrujtur nga shiu. Toka u zbrujt shpejt. Gruri zbruhet me ujë.
✱Sin.: brumëzohet, brumohet, zbrumohet, zbutet, brydhet, mbrydhet, ndulket, baltet, squllet, dyllëçitet, sqaqet, tutëlohet, lëshohem, shkrehem, ligështohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë