Fjalori

Rezultate në përkufizime për “brinjazi”

Mëso si ta përdorësh
<<< Kthehu te kërkimi kryesor në fjalor

BËRRYLAS

BËRRÝLAS ndajf. 1. Ijas, anash. Eci bërrylas. I doli rrymës së lumit bërrylas.
2. fig., keq. Duke përdorur çdo mjet për t’ia arritur qëllimit, me bërryla. Ka çarë bërrylas në jetë.
✱Sin.: ijas, anash, mëkrahëzaj, brinjas (brinjazi), tërthoras (tërthorazi), kërthazi, këlliç.

CINGËLTHI

CÍNGËLTHI ndajf. Duke luajtur me kut dhe me cingël; duke lujtur brinjazi.
✱Sin.: cinglash, cinglazi, cinglapjekthi, brinjas, brinjazi.
♦ Luan cingëlthi (*cingël).

GOMARTHI

GOMÁRTHI ndajf., bised. 1. Në brinjë; brinjazi. Ra gomarthi.
2. Baras, pa fituar asnjëri. Dolën gomarthi.
3. Kaloras, kaladibrançe. Luajnë gomarthi.
✱Sin.: gomarazi, kaladibrançe.

KALIMTHI

KALÍMTHI ndajf. 1. Duke kaluar rastësisht diku. U takuan (u panë) kalimthi.
2. edhe fig. Pa u ndalur gjatë e gjerë, shpejt e shpejt, pa u thelluar shumë; shkarazi, brinjazi; rrëshqitas. E trajtoi (e preku, foli) kalimthi.
✱Sin.: brinjazi, shkaras, shkarazi, rrëshqitas, rrëshqitazi, paksa.

KITHI

KÍTHI (së) ndajf. Tërthorazi; brinjazi. I ra (i kaloi) së kithi.

KËLLIÇ

KËLLÍÇ ndajf. 1. Për së kithi; brinjas. Vuri tullat këlliç. Hyri këlliç (në derën e ngushtë).
2. edhe fig. Në mënyrë jo të rregullt; shtrembër.
✱Sin.: brinjas, brinjazi, shtrembër.

LATEROFOBI

LATEROFOBÍ,~A f., mjek. Frika e dikujt për t’u shtrirë në një anë, brinjazi, në rast plagosjeje të kafazit të kraharorit ose sëmundjes së zemrës etj.

MBRIJASH

MBRÍJASH ndajf. Në brinjë, brinjazi; anash.

MBRINJEM

►MBRÍNJ/EM jovep., ~A (u), ~UR 1. vetv. Përkulem pak anash a brinjazi. Mos u mbrinj!
2. vetv., vet. v. III Bëhet si hark, lakohet, nxjerr bark (muri etj.). Po mbrinjet muri.
3. vetv. Më rritet barku, vë bark.

MBRINJOJ

MBRINJ/ÓJ vep., ~ÓVA, ~ÚAR kal. 1. Përkul diçka pak anash a brinjazi; e bëj si hark, e lakoj.
2. I kthej anash, i shtrembëroj (për sytë). Mbrinjoi sytë.
3. E ngre diçka pak nga njëra anë ose e vë në brinjë. E mbrinjoi kapakun e tenxheres për t’i dalë avulli.
4. fig. Nuk i kushtoj vëmendje, e lë mënjanë, mënjanoj, shpërfill, margjinalizoj.
✱Sin.: harkoj, anoj, përkul.

PAKSA

PAKSÁ ndajf. Fare pak; një çikë. E ngriti (e preku) paksa. Kishte vesuar paksa. Dallohej paksa.
✱Sin.: pak, pakëz, kalimthi, sapo, sa, fare, brinjas, brinjazi, cekët, përciptas, përciptazi.

PARVAZ

PARVÁZ,~I m. sh. ~E, ~ET 1. Korniza e derës a e dritares. Parvazi i dritares.
2. Dërrasë e gjatë a pllakë guri, e nxjerrë pak jashtë dritares, mbi të cilën mbështetet korniza; pragu i dritares. Parvaz i gjerë (i ngushtë). Mbështetem në parvaz. Vë lulet në parvaz.
3. Dërrasë e gjatë e vënë brinjazi në mur, zakonisht në dhomën e miqve, për të vënë në të sende a rroba të ndryshme; sergjen i ngushtë. Vë (var) në parvaz.
✱Sin.: kornizë, prag, sergjen, shtalkë, shtyllak, parmak, prag.

PJERRTAS

PJÉRRTAS ndajf. 1. Në drejtim të pjerrët; në mënyrë të pjerrët. E mbante pjerrtas. Ra pjerrtas. Lëviz pjerrtas.
2. Shtrembër; mënjanë. Shikon pjerrtas.
✱Sin.: shkarthi, tërthoras, tërthori, tërthorazi, shul, brinjas, brinjazi, shpatthi, anash, mënjanë, shtrembër, ijas, ijazi, skiç, kërthazi, kithi, shulthi, shulas, shulazi, bajmakthi.

PROFIL

PROFÍL,~I m. sh. ~E, ~ET 1. Pamja e fytyrës së një njeriu kur shikohet brinjazi; pamje anësore e një sendi. Duket në profil. E fotografoi në profil. Rri në profit rri në një mënyrë të tillë që dikush ta shohë brinjazi.
2. spec. Paraqitja e një sipërfaqeje, e një sendi etj. në rrafshin pingul; prerje pingule e një sipërfaqeje, e një sendi etj. Profili i ndërtesës (arkit.). Profili i autostradës (i hekurudhës) (ndërt.). Profilet e tokës (gjeogr.). Tokë me profil të cekët (gjeogr.). Profili i lumit (gjeogr.) përvijimi i formës si një lugine lumore. Profil gjatësor (gjeogr.) Gjendja e pjerrësisë së shtratit të një rrjedhjeje ujore. Profil tërthor (gjeogr.). Morfologjia e një zone të caktuar, e një lugine etj.
3. fig., libr. Drejtimi kryesor i veprimtarisë së dikujt; tërësia e tipareve themelore të diçkaje. Profili krijues i një shkrimtari. Profili kombëtar i letërsisë. Universitet me profil bujqësor (me profil politeknik).

PRURELAS

PRURÉLAS ndajf. Brinjas, brinjazi, në brinjë. Po flinte prurelas.

PRURELË

PRURÉL/Ë,~A f. Shtrirje a qëndrim brinjazi për t’u çlodhur.

PËRBRI

PËRBRÍ ndajf. Në afërsi të dikujt a të diçkaje, ngjitur me të, përkrah, pranë; në anë, në krah, për anash. Në dhomën këtu përbri. U ulën te pema përbri. I qëndroi përbri. Banon këtu përbri. Më kaloi përbri. I shkoi përbri.
✱Sin.: përkrah, pranë, anash, anas, anazi, anës, anësisht, krahas, ndanë, ijas, ngjat, gjatas, krahisht, bri, bërrylas, brinjas, brinjazi, ijazi, ngjitur, ngjitas.

RAFT

RAFT,~II m. sh. ~E, ~ET 1. Orendi në trajtë të një kutie të madhe me kapakë e me të ndara, që shërben për të mbajtur plaçka e sende të tjera, dollap. Raft rrobash (librash, enësh, veglash). Raft në mur. Raft me pasqyrë. Kapakët e raftit. Vë (mbaj) në raft. Hap (mbyll) raftin.
2. Dërrasë e mbështetur brinjazi në faqe të murit, për të vënë sende mbi të, sergjen.
✱Sin.: dollap, sergjen.

SERGJEN

SERGJÉN,~I m. sh. ~E, ~ET Dërrasë e ngushtë, e vendosur brinjazi gjatë murit për të vënë enë kuzhine e sende të tjera; raft i hapur me disa dërrasa, i vendosur pranë murit. Sergjeni i enëve. I vunë të gjitha enët në sergjen. Ra diçka nga sergjeni. Sergjenet i mbante gjithmonë pastër.
✱Sin.: raft, shtreth, parvaz, lëpizë.
♦ E hedh bishtin mbi sergjen (dikush) shih e hedh bishtin mbi kurriz (dikush).

TËRTHOR

TËRTHÓR ndajf. 1. Jo pingul a horizontalisht; në vijën që bashkon dy skaje a dy kënde të kundërta, pjerrtas, kërthazi. E preu tërthor letrën. E vuri tërthor shkopin.
2. Anës e anës, jo drejt, kithi. I ra tërthor (për të shkuar diku). Mori tërthor.
3. fig. Në mënyrë jo të drejtpërdrejtë, anës e anës, rreth e rreth, larg e larg, tërthorazi (për diçka që i thuhet dikujt a për mënyrën e veprimit). Ia tha (i foli) tërthor. Ndikon tërthor. Veproi tërthor.
4. Shtrembër; keq (edhe fig.). Më shkoi kafshata tërthor më iku keq, ligsht, skiç. E shikonte tërthor. I shkonin punët tërthor s’i vinin mbarë.
✱Sin.: tërthoras, tërthorazi, shtrembër, keq, ligsht, anash, anës, brinjas, brinjazi, ijas, kryq, kryqas, kryqthi, kalimthi, rrëshqitas, rrëshqitazi, kërthazi, pjerrtas, shkaras, shkarazi, zhdrejtazi.
♦ I bie *kryq (shul) e tërthor (një vendi).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë