Fjalori

Rezultate në përkufizime për “brejtje”

Mëso si ta përdorësh
<<< Kthehu te kërkimi kryesor në fjalor

ARROZI

ARROZÍ,~A f. sh. ~, ~TË mjek. Prishje, dëmtim, brejtje, plasje e mureve të enëve të gjakut si rrjedhojë e zgjerimit të tyre dhe e krijimit të qeskave me gjak, kjo si pasojë e presionit të gjakut gjatë aneurizmave. Vuan nga arrozia. Diagnostikimi përcaktoi arrozinë.

BLOZHË

BLÓZH/Ë,~A m. sh. ~A, ~AT krahin. 1. zool. Molë1.
2. Brejtje, grirje, ronitje. Blozha e drurit.
3. Kalbje, prishje, grymosje.
✱Sin.: molë, tenjë, fukadrugë, bremtajë.

BLUARJE

BLÚARJ/E,~A f. 1. Veprimi kur bluaj diçka. Bluarja e drithit. Bluarja e kafesë. Bluarje me rul. Makina e bluarjes. Linjat e bluarjes. Teknika të bluarjes. Mulliri i bluarjes. Të përshtatura për bluarje. Gur bluarjeje.
2. Përtypja e ushqimit me dhëmbë para se të kapërdihet, përçapje; tretje në stomak. Është bërë pluhur nga bluarja me dhëmbë. Bluarja e ushqimit.
3. Brejtje, grirje.
4. fig. Përvetësim më i mirë i mësimit, i dijeve etj.; zotërim, përtypje, thithje, asimilim.
5. fig. Shoshitje, tretje, shestim. Bluarja e mendimeve.
6. fig., bised. Dërdëllitje, turtullitje.
✱Sin.: thërrmim, miellzim, grimcim, imtim, imshtim, grirje, përtypje, përçapje, mbllaçitje, tretje, përvetësim, zotërim, thithje, asimilim, shoshitje, përsiatje, shestim.

BREJCË

BRÉJC/Ë,~A f. sh. ~A, ~AT 1. Thikë e vogël pa dorezë; thikë e vjetër a teh brisku për të kruar bukën, magjen etj.; brisk i keq. E mprehtë si brejcë. Gërryej me brejcë. Brejcë që s’e pret as kungullin.
2. mjek., krahin. Brejë1. Ia hëngri mishin brejca.
3. fig. Brengë, mundim, brejtje. Një brejcë e gërryente përbrenda.
4. krahin., fig. Grua thatime e llafazane; vajzë e prapë.

BREJTJE

BRÉJTJ/E,~A f. sh. ~E, ~ET 1. Veprimi kur brej diçka; brerje, grirje, grimcim, thërrmim, imshtim, gërryerje.
2. mjek. Brejë. Brejtja ose dergja e keqe, njësoj janë.
3. fig. Mundim, gërryerje. Brejtja e brendshme. Brejtja e ndërgjegjes. Brejtje e ngadaltë ekonomike. Brejtje përvëluese.
✱Sin.: brerje, grirje, grimcim, thërrmim, imshtim, gërryerje, brejë, mundim.

BREJTUR

BRÉJTUR,~IT (të) as. 1. Brejtje. Krimbi nuk pushon së brejturi. Kapaku i poshtëm është shqitur nga të brejturit e molës.
2. mjek., bised. Sifiliz, gërdec, frëngjyzë. Mbaroi nga të brejturit.
3. mjek., bised. Gangrenë, brerë, qime. E mbyti të brejturit.

BREJË

BRÉJ/Ë,~A f. 1. mjek. Sëmundje që shfaqet me kalbjen e mishit rreth plagës; gërryerje pak e nga pak, brejtje; gangrenë, qime. Kurimi i brejës te kafshët.
2. Brejcë3. Breja e popujve. E vuante këtë brejë.
✱Sin.: gangrenë, qime, qimëz.

BRERJE

BRÉRJ/E,~A f. sh. ~E, ~ET Veprimi kur brej diçka, brejtje; gërryerje me dhëmbë; ngrënie nga fërkimi. Brerja e litarit. Brerja e drurit.
2. Vend i brejtur në diçka. Brerjet e dërrasës. Brerjet e dhëmbëve.
3. Gërryerje e tokës nga shirat; erozion. Tokat i shkatërronte brerja e madhe.
4. fig. Ndjenjë e rëndë shpirtërore, hidhërim a trishtim që të mundon shumë; gërryerje, brejtje. Brerje nga meraku. Brerje e brendshme. Brerje ndërgjegjeje. Kishte brerje të forta ndërgjegjeje.
✱Sin.: brejtje, grirje, grimcim, thërrmim, imshtim, bluarje, skërmitje, gërmitje, ronitje, gërryerje, e ngrënë, e gërryer, e skërmitur, e ronitur, mundim, erozion.

DHIMBË

DHÍMB/Ë,~A f. sh. ~A, ~AT 1. Dhembje, dhimbje fizike a shpirtërore. Një brejtje e lehtë ndërgjegjeje më mundonte si dhimbë. Ndodh që dashuria shndërrohet në dhimbë. Shkuan dy net plot dhimba.
2. Mëshirë, dhimbsuri. Nuk kishte dhimbë për vuajtjen e tjetrit.
✱Sin.: dhembje, mëshirë, dhimbsuri.

GRIRJE

GRÍRJ/E,~A f. sh. ~E, ~ET Veprimi kur grijmë ose grihet diçka. Grirja e duhanit. Grirja e mishit. Grirja e qepës. Makinë për grirje.
✱Sin.: ronitje, brejtje.

GËRRYERJE

GËRRÝERJ/E,~A f. sh. ~E, ~ET 1. Veprimi kur gërryhet një vend, një send etj. Gërryerja e dheut (e shkëmbit, e drurit). Gërryerja e dhëmbit. Procesi i gërryerjes.
2. Veprimi shkatërrues i ujit, i shirave, i erës etj. në sipërfaqen e tokës dhe pasojat e tij, erozion. Mbrojnë tokën nga gërryerja.
3. Zgavër, gropë a e thelluar që bëhet kur gërryhet diçka.
✱Sin.: brejtje, ngrënie, gërresë, zgavër, zgavrim.

HALLMIM

HALLMÍM,~I m. sh. ~E, ~ET krahin. 1. Gërryerje e thellë e dheut për të bërë një gropë a hallkomë; gërmimi a rrëmimi i thellë për të zbuluar diçka. Hallmimi i tokës. Hallmimi i rrugës.
2. krahin. Zgavrim. Hallmimi i trungut. Hallmimi i murit.
3. fig. Prishje, shkallmim, dërrmim, rraskapitje. Hallmimi nga puna e vështirë.
✱Sin.: rrëmim, mihje, gërrmim, gërryerje, zgavrim, zgabullim, shkallmim, prishje, brejtje, lodhje, dërrmim, rraskapitje, shkatërrim.

KORROZION

KORROZIÓN,~I m. sh. ~E, ~ET libr. 1. Gërryerje; brejtje. Ka vepruar korrozioni.
2. Vend, shkëmb etj. i gërryer nga faktorë të jashtëm natyrorë. Këtu kemi të bëjmë me një korrozion.
✱Sin.: gërryerje, brejtje.

TËNGË

TË́NG/Ë,~A f. 1. Peng. I la tëngë orën (makinën). Është i lidhur me tëngë ka marrë diçka, pasi ka lënë peng një gjë.
2. Keqardhje, brejtje (gërryerje) ndërgjegjeje, merak; maraz I mbeti tëngë që nuk erdhi. E ka tëngë në zemër. Kishte një tëngë kishte maraz nga një padrejtësi që kujtonte se i ishte bërë.
3. Pështirë, krup neveri. Më vjen tëngë, kur e shikoj. Habitem si nuk i vjen tëngë!
✱Sin.: peng, keqardhje, brejtje, maraz, pështirë, krup neveri.

ÇUPITJE

ÇUPÍTJ/E,~A f. sh. ~E, ~ET Veprimi kur çupit diçka. Çupitja e barit. Tingulli i çupitjes së krimbit. Mpakja e bukës çupitje pas çupitjeje.
✱Sin.: ndukje, çukitje, brejtje, përtypje, çjerrje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë