Fjalori

Rezultate në përkufizime për “botues”

Mëso si ta përdorësh
<<< Kthehu te kërkimi kryesor në fjalor

BOTUES

BOTÚES,~E mb. Që merret me përgatitjen për shtyp dhe me botimin e veprave të ndryshme; që lidhet me botimin e librave. Shtëpia (ndërmarrja) botuese. Veprimtari botuese. Enti botues.

BOTUES

BOTÚES,~I m. sh. ~, ~IT Ai që shtyp e vë në qarkullim një vepër, një libër, një gazetë etj.; institucion që merret me botimin e librave. Botues librash. Botuesi i Ismail Kadaresë. Botuesi i gazetës. Shënimi i botuesit. Mbrojtja e të drejtave të botuesit. Nën kujdesin e botuesit. Bashkëpnimi mes botuesve.

EDITOR

EDITÓR,~I m. sh. ~Ë, ~ËT 1. Redaktor. Editori i botimit të parë. Grup editorësh. Gazeta kishte dy editorë të zotë.
2. Botues. Editori i gazetës. Editori i parë i disa krijuesve. Fjala e editorit.

EDITORIALIST

EDITORIALÍST,~E mb. Që lidhet me qëndrimet e redaksisë së një enti botues. Politikë editorialiste. Qëndrimi editorialist për etikën në botim.

ENT

ENT,~I m. sh. ~E, ~ET Organizatë shtetërore a shoqërore ose institucion që merret me një veprimtari të caktuar; agjenci. Ent shtetëror. Ent botues. Ent zyrtar. Ent ushtarak. Ent fetar. Enti Shtetëror i Banesave.
✱Sin.: organizatë, institucion, agjenci.

MARKSIST-LENINIST

MARKSÍST-LENINÍST,~E mb. 1. Që i përket marksizëm-leninizmit, që përmban e shpreh idetë e marksizëm-leninizmit. Filozofi (teori, ide, parime) marksiste-leniniste. Qëndrim (botëkuptim, edukim) marksist-leninist. Propagandë marksiste-leniniste.
2. Që është tipar i marksizëm-leninizmit; që ka të bëjë me marksizëm-leninizmin.
3. Që beson, ndjek dhe zbaton idetë e marksizëm-leninizmit. Vend (shtet) marksist-leninist. Botues marksist-leninist.
4. Që përbëhet nga ithtarë të marksizëm-leninizmit. Grupe marksiste-leniniste. Parti marksiste-leniniste.
5. Që është i mbrujtur me parimet e marksizëm-leninizmit dhe që vepron me besnikëri sipas këtyre parimeve, që është ithtar i marksizëm-leninizmit. Ideolog (dijetar) marksist-leninist. Udhëheqës marksist-leninist.

SHTYPSHKRUES

SHTYPSHKRÚES,~I m. sh. ~, ~IT vjet. 1. Punëtor i shtypshkronjave. Shoqëritë e shtypshkruesve.
2. Botues.

ÇEHREVRARË

ÇEHREVRÁRË mb. 1. Që e ka pamjen e fytyrës të vrarë nga një fatkeqësi ose nga sëmundjet; i murrëtyer (për fytyrën). Pleq çehrevrarë. Fëmijë çehrevrarë. Pas xhamave të lokalit është një vajzë çehrevrarë.
2. si ndajf. Me pamje të vrarë në fytyrë nga një fatkeqësi ose nga sëmundjet. Rrinte çehrevrarë. Na përshëndetën çehrevrarë dy botues.
✱Sin.: i zbehtë, i murrëtyer, fytyrëvrarë, çehreprishur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë