Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BOSHATÍSUR (i, e) mb., edhe fig. Që s’ka asgjë brenda, i zbrazur, i zbrazët, bosh. Fshati dukej i boshatisur. Plazh i boshatisur. Rrugicat e boshatisura. Gotë e boshatisur. I boshatisur në shpirt.
LIRÚAR (i, e) mb. 1. Që ka fituar lirinë, që ka shpëtuar nga robëria a nga shfrytëzimi, i çliruar; kund. i pushtuar, i robëruar. Vend i liruar. Zonat e liruara. Në qytetin e liruar.
2. Që e kanë nxjerrë nga burgu e qarkullon lirisht.
3. Që ka dalë nga shërbimi ushtarak, që ka dalë në lirim. Ushtar (oficer) i liruar.
4. Që ka dalë jashtë prej një vendi ku ka qenë i lidhur a i mbyllur (për kafshët); i lëshuar. Si qen i liruar.
5. Që është korrur dhe i është larguar i gjithë prodhimi. Arë (tokë) e liruar.
7. Që është zbrazuar a boshatisur nga diçka. Shtëpi e liruar. Enë e liruar.
8. Që është bërë më i lirë (për diçka që ka qenë e lidhur fort, që ka qenë e shtrënguar ose e puthitur shumë pas trupit a pas një pjese të tij); kund. i shtrënguar. Rrip (brez) i liruar. Rrotë (burmë) e liruar. Sythi i liruar i çorapit. Me jakë të liruar.
9. Që është larguar nga një send tjetër kur është tharë, është tkurrur a është mbledhur; i zbërthyer. Dërrasa të liruara.
10. Që i është ulur çmimi, që është bërë më i lirë; kund. i shtrenjtuar. Mallra të liruara.
✱Sin.: i çliruar, i zhburgosur, lëshuar, i korrur, i zhveshur, larguar, zbërthyer, i lirë, lirshëm, i lëshuar, i zhbllokuar, i shkrehur, i shtendosur, i zgjidhur, i zhvidhosur, i lirësuar.
PABOSHÁTISUR (i, e) mb. Që nuk është i boshatisur; që nuk është boshatisur; i pazbrazur; kund. i boshatisur, i zbrazur. Dollapë të paboshatisur.
PORSABOSHATÍSUR (i, e) mb. Që porsa është boshatisur, që është boshatisur pak kohë më parë; i porsazbrazur.
✱Sin.: i posaboshatisur, i sapoboshatisur, i porsazbrazur, i posazbrazur, i sapozbrazur.
PËRHÉRRUR (i, e) mb. 1. Që është përherrur a që është tëharrur (për bimët). Parcelë (arë) e përherrur.
2. fig. Që janë rralluar, që janë bërë më të paktë në numër nga lufta, nga lëvizja jashtë vendit, nga një epidemi a një pandemi etj. Burra të përherrur.
3. I boshatisur, i zbrazur. Shtëpi e përherrur.
ZBRÁZËT (i, e) mb. 1. Që është pa gjë brenda, që nuk është i mbushur me ndonjë lëndë, bosh; kund. i mbushur. Thes (hambar) i zbrazët. Enë (kovë, shishe) e zbrazët. Me gota të zbrazëta. Gropë e zbrazët. Thesi i zbrazët s’qëndron në këmbë. (fj. u.). Barku i zbrazët nuk ka kë të falënderojë. (fj. u.). Kuletë e zbrazët, fytyrë e vrazhdët. (fj. u.). Xhepi i zbrazët, fytyrë e vrazhdët. (fj. u.).
2. Që nuk është i mbuluar me ndonjë gjë; që s'ka ndonjë gjë a ndonjë njeri në të (për sipërfaqet). Fushë (arë) e zbrazët. Hapësirë (sipërfaqe) e zbrazët. Shesh (vend) i zbrazët. Rrugë e zbrazët.
3. Që nuk ka njeri brenda; i tillë ku nuk banon njeri, që ka mbetur pa banorë; i lirë, i pazënë (për një vend pune). Shtëpi (dhomë) e zbrazët. Vagon i zbrazët. Fshat (qytet) i zbrazët. Kanë mbetur edhe dy vende të zbrazëta.
4. fig. Që nuk ka vlerë, që s'ka brumë; që nuk është i mbushur me veprimtari a punë të dobishme; i padobishëm, i kotë; që s'ka përmbajtje, që nuk shpreh asgjë; që nuk ka kuptim. Njeri i zbrazët. Fjalë (fraza) të zbrazëta. Premtime të zbrazëta. Vështrim i zbrazët. E pa me sy të zbrazët.
5. fig. Që nuk ka ngjarje të rëndësishme. Kohë (periudhë) e zbrazët.
6. si em. m. e f. Sipas kuptimit 4 të mbiemrit. I vrazhdëti- i zbrazëti. (fj. u.).
✱Sin.: i zbrazur, i boshatisur, bosh, i lirë, i pazënë, i zgavërt, i zhveshur, i zgavruar, i padobishëm, i zbarët, i pahijshëm, fyrbë, fyçkë, kokëbosh, i shkrëndur, i shkulluar.
♦ Me *barkun të zbrazët (bosh). Mbeti me *lugë të zbrazët (dikush). Të ngop me *lugë të zbrazët (dikush).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë