Fjalori

Rezultate në përkufizime për “borgjezi”

Mëso si ta përdorësh
<<< Kthehu te kërkimi kryesor në fjalor

BORGJEZ

BORGJÉZ,~I m. sh. ~Ë, ~ËT Pjesëtar i klasës së borgjezisë. Borgjez i vogël pjesëtar i shtresës së pronarëve të vegjël. Mendësi borgjezi.

BORGJEZI

BORGJEZÍ,~A f. Klasë shoqërore në vendet kapitaliste, që zotëron mjetet kryesore të prodhimit ose prona e pasuri të tjera të mëdha. Borgjezia kombëtare. Borgjezi e madhe (e mesme). Borgjezia e vogël shtresa e pronarëve të vegjël. Shtresat e larta të borgjezisë.

BORGJEZIM

BORGJEZÍM,~I m. Veprimi kur borgjezoj dikë a kur borgjezohem; dhënie e tipareve borgjeze, të kthyerit a shndërrimi në borgjezi. Borgjezimi i klasës feudale. Borgjezimi i pushtetarëve të rinj (keq.). Prirje borgjezimi. Burim pasurimi e borgjezimi.

MESËM

MÉS/ËM (i), ~ME (e) mb. 1. Që është midis dy sendeve, midis dy njerëzve ose në mes të një vargu sendesh a njerëzish; që gjendet në mes të fillimit dhe të fundit të diçkaje (në hapësirë); që është në mes të dy anëve të kundërta; që ndodhet në mes të dikujt a të diçkaje. Kali i mesëm. Rrjedha e mesme (e lumit). Rrugë e mesme. Truri i mesëm (anat.). Zorra e mesme (anat.). Gishti i mesëm. Shqipëria e Mesme (gjeogr.). Lindja e Mesme (gjeogr.).
2. Që është në mes të një kohe ose në mes të dy periudhave, të dy shkallëve etj.; që është në mes të dy njerëzve a të dy brezave nga mosha; që nuk është as i ri as i vjetër në moshë, mesatar. Burrë i mesëm. Brezi i mesëm. Vëllai i mesëm. Motra e mesme. Moshë e mesme. Shkolla e mesme shkollë katërvjeçare që vjen pas tetëvjeçares dhe para shkollës së lartë. Arsim i mesëm arsimi katërvjeçar pas arsimit tetëvjeçar, që merret në shkollën e mesme. Vjeshta e mesme (vjet.) tetori. Koha e mesme (hist.) mesjeta.
3. Që ka gjatësi mesatare, që nuk është as i gjatë as i shkurtër, mesatar. Me shtat (me trup) të mesëm. Valë të mesme (radio.).
4. Që ka madhësi, sasi, peshë a forcë mesatare. Tingull i mesëm (spec.). Forcë e mesme.
5. Që ka cilësi të kënaqshme, që nuk është as shumë i mirë as shumë i keq, mesatar; i rëndomtë. Nxënës i mesëm.
6. Që ka marrë arsimin katërvjeçar pas shkollës tetëvjeçare, por nuk ka mbaruar ende shkollën e lartë. Teknik (specialist, ekonomist) i mesëm. Kuadro të mesëm. Agronom i mesëm.
7. Që i përket një shtrese a klase shoqërore të ndërmjetme, që qëndron në mes të shtresës a të klasës së pasur dhe asaj të varfër. Punonjës (nëpunës) i mesëm. Me origjinë shoqërore të mesme. Shtresë (klasë) e mesme. Borgjezi e mesme.
✱Sin.: i ndërmjetëm, mesatar, kalimtar, i rëndomtë.
♦ *Rrugë (udhë) e mesme libr.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë