Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BÓNO,~JA f. sh. ~, ~T fin. Letër me vlerë të caktuar që këmbehet kundrejt një vlere monetare; latë; lloj fature. Bono afatshkurtra. Bono afatgjata. Përdori bonot e thesarit. Ankand për shitjen e bonove. Blinin me bono. Shtypja (printimi) i bonove. Shpërndarja e bonove. Bono privatizimi letër me vlerë në projektet e privatizimit të pronave shtetërore. Bono thesari letra me vlerë të lëshuara nga qeveria, nga banka kombëtare ose një korporatë për të mbledhur para nga blerësi, kundrejt premtimit se blerësi do të paguhet pas një kohe të caktuar ose do të përfitojë interesa nga aktivizimi i tyre në veprimtari ekonomike, tregtare e financiare.
►EMET/ÓHET jovep., ~ÚA (u), ~ÚAR vet. v. III 1. vetv., fiz., biol. Përhapet; çlirohet. Emetohen rreze (thërrmija, elektrone). Emetohet energji.
2. pës. e EMETÓJ. Pullat që do të emetohen gjatë vitit 2023. Rrezet ultravjollcë (UV) që emetohen nga dielli. Aktualisht në Shqipëri emetohen Bono Thesari nga qeveria.
✱Sin.: përhapet, lëshohet, çlirohet, nxirret, prodhohet.
SHES vep., SHÍTA, SHÍTUR kal. 1. Shkëmbej me dikë një mall a një send kundrejt pagesës me para; kund. blej. Shes mish (fruta, perime, ushqime etj.). Shiste libra. E shiti pallatin (shtëpinë, makinën). Shet lëndë ndërtimi. Klubi e shiti mbrojtësin kundrejt një shume të konsiderueshme. Shet me pakicë (me shumicë). E shiti për pak para. Shet me çmim të ulët (të lartë). E shet me lekë (me euro, me dollarë). I shiti me fitim (me humbje). Shesim me para në dore (me kartë). Nuk e shet. Shet në dyqan (market, kancelari). Shes bono thesari.
2. fig. Vë në shërbim të të tjerëve gjëra jomateriale, ide, mendime. Prona intelektuale nuk shitet. I shiti atij idenë për një projekt në atë fushë. Arti i tij shitet lehtë.
2. edhe fig., keq. Jap diçka në këmbim të përfitimit vetjak; tradhtoj dikë a diçka për përfitime materiale; e lejoj veten të korruptohem, të shtyhem për të bërë diçka të pandershme për përfitim. Shes atdheun (vendin, lirinë). Shes votën. Shiti nderin.
3. fig. keq. E paraqes ndryshe nga ç’është në të vërtetë dikë a diçka, me qëllim për t’ia hedhur dikujt, për ta mashtruar dikë. E shet veten si shkencëtar (të zotin, trim). E shet veten si dashamir (mik). - Shiti diku tjetër këto! gjej njerëz të tjerë që të të besojnë për këto që thua, se ne nuk na gënjen dot!
4. keq. Ua jap të tjerëve si të mirë apo ua them gjoja si diçka të mirë, të vlefshme për t’ua hedhur a për t’u dukur. Shet të trasha thotë fjalë të mëdha për t’u dukur, mburret. Shet gjepura (dokrra, pallavra përralla,) hiqet trim a i zoti para të tjerëve. - Mos shit dëngla!
✱Sin.: tregtoj, jap, mbaj, lëshoj, qarkulloj, shkëmbej, tradhtoj.
♦ Shet e blen (dikush) është njeri që jep e merr me të gjithë, është i hapur; mëson prej të tjerëve. Të shet e të blen (dikush) është shumë i shkathët e dinak; bën me ty si të dojë, nuk të mbron, të trajton sipas interesit të vet, bën si i leverdis. Shet e nuk blen (dikush) flet vetë për t’u mbushur mendjen të tjerëve dhe nuk dëgjon fare se ç’thonë ata, u jep mësim të tjerëve dhe nuk mëson asgjë prej tyre. Shet *dëngla (dikush) bised. Shet *gorrica (dikush) Shet *lëkurën (dikush) përb. Shet *mend (dikush). Shet *pallavra (dikush). Shet *përralla në diell (dikush). Shet *pordhë (dikush) bised. tall. vulg. Shet (vret) *të rënda (dikush). Ia ka shitur shpirtin *shejtanit (dikush) keq. Shet (vret) *të trasha (dikush).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë