Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ÁGD/Ë,~AI f., gat. 1. Sheqer i djegur; çaj kolle me sheqer të djegur dhe ujë të vluar.
2. Bonbone ose karamele të përftuara nga sheqeri i zier, i shkrirë ose i djegur duke i shtuar edhe përbërës të tjerë aromatikë dhe për shije të mirë; shurup i trashë sheqeri që përdoret në ëmbëlsira.
3. kozm. Masë e lëngshme ngjitëse e përftuar nga sheqeri i djegur e nardeni për shkuljen e qimeve a heqjen pushit në fytyrë e trup (zakonisht te gratë); krem popullor për heqjen e qimeve të fytyrës e të trupit; heqës i qimeve, kanë e keqe. Bëra gati agdën e nuses.
✱Sin.: depilues, ndukaq, ndukç, nukaç.
SHEQÉR/E,~JA f. sh. ~E, ~ET 1. Një lloj ëmbëlsire e industrializuar me sheqer të pjekur dhe me aroma të ndryshme, karamele, sheqerkë. U ëmbëlsua me sheqere. Bleu sheqeret që i pëlqenin më shumë. - Mos ha shumë sheqere!
2. përk. Ajo që është e mirë, e ëmbël (zakonisht në krijimtarinë popullore). Moj, sheqerja ime. E pëlqente shumë atë sheqere syshkruar. Biseda me sheqeren i dukej edhe më e ëmbël.
3. bot. Një lloj molle ose dardhe shumë e ëmbël; sherbete. Sheqeret janë të ëmbla. Shartimi i sheqeres. Lulëzimi i sheqereve.
✱Sin.: ëmbëlsirë, bonbone, karamele, sheqerkë, ëmbëlore, sherbete.
SHEQÉRK/Ë,~A f. sh. ~A, ~AT 1. Produkt i ëmbël me sheqer të pjekur, karamele, sheqere. I dha një sheqerkë. E mashtroi me një grusht sheqerka. Bleu dy kuti me sheqerka.
2. Një lloj molle a kumbulle e cila është shumë e ëmbël.. I shijoi shumë sheqerka. Ishte pjekur sheqerka. Sheqerkë e pabërë.
3. fig. Ajo që është e mirë, e ëmbël. Si sheqerkë ma ke nuskën. - Të lumshin duart, sheqerkë! - Sheqerka e babit!
✱Sin.: karamele, sheqere, ëmbëlsirë, bonbone, ëmbëlore.
♦ Sheqerkë (*karamele) me helm. shih karamele me helm.
SHEQÉRNA,~T m. vet. sh. 1. kim. Lëndë organike që përmbajnë sheqer dhe përdoret nga organizmat në ushqim si rezervë energjie. Grumbullimi i sheqernave. Tuli përmban sheqerna të fermentueshme. Përmbajtja e sheqernave. Fermentimi i sheqernave. Fruta të pasura me sheqerna. Glukoza dhe laktoza janë sheqerna.
2. Karamele, sheqerka. E mbushi kupën me sheqerna. Qeras me sheqerna.
✱Sin.: ëmbëlsira, karamele, sheqere, sheqerka, bonbone, ëmbëlore.
ÇOKOLLÁT/Ë,~A f. sh. ~A, ~AT 1. Brumë i gatuar me pluhur kakaoje dhe me sheqer e që mund t’i shtohen edhe lëndë të tjera (pluhur qumështi, fruta të thata etj.), i ngrirë si pllakë ose në formë tjetër. Çokollatë me qumësht (me vanilje). Ëmbëlsirë (akullore) me çokollatë. Fabrikë çokollatash. Karamele (bonbone) me çokollatë. Ngjyrë çokollatë. Gratë e tyre bien erë çokollatë.
2. Një pllakë ose formë tjetër nga ky brumë. Bleu dy çokollata. Hyri në dhomë me një çokollatë në dorë. Filloi të kafshonte çokollatën me dhëmbët e tij të bardhë. U shpërndanë çokollata të pranishmëve.
3. Pije e trashë e përgatitur me pluhur kakaoje. Pi një çokollatë. Receta për përgatitjen e çokollatës së nxehtë. Desha një çokollatë të nxehtë pa sheqer.
4. si mb. Që ka ngjyrë kafe të mbyllur në të kuqe. Shkau shtrembër në drurin çokollatë të arrës. E sjell flokun në një nuancë çokollate. Si të merrni shpejt një ngjyrë çokollate në trup.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë