Fjalori

Rezultate në përkufizime për “bobinë”

Mëso si ta përdorësh
<<< Kthehu te kërkimi kryesor në fjalor

BOBINË

BOBÍN/Ë,~A f. sh. ~A, ~AT 1. tek. Masur a gyp i shkurtër, zakonisht me buzë të ngritura, në të cilin mbështillet një fill, një tel, një shirit etj.; sasia e fillit, e telit, e shiritit, e letrës etj. që është mbështjellë në këtë masur. Bobinë druri (metalike, plastike, kartoni). Bobinë filmi. Mbështjell (mbledh) në bobina. U regjistrua në dy bobina (një fjalim, një pjesë muzikore etj.).
2. elektr. Gyp i shkurtër, i mbështjellë me tel të izoluar, që përdoret në pajisjet elektrike dhe në radioteknikë. Bobinat e radios. Bobinë rryme. Bobinë tokëzimi.

FILMOSTAT

FILMOSTÁT,~I m. sh. ~E, ~ET kinem. Kuti (bobinë) filmi. Vuri filmostatet në raft.

GURGUR

GURGÚR,~I m. sh. ~Ë, ~ËT Gjep, bobinë, masur. Gurgur me penj të bardhë (të zez).
✱Sin.: bobinë, gjep, masur.

MBËSHTJELLËS

MBËSHTJÉLLËS,~I m. sh. ~, ~IT 1. Gyp i shkurtër, masur i shkurtër etj. rreth të cilit mbështillet diçka si fill a si rrip; diçka që mbështjell; bobinë. Mbështjellësi i penjve. Mbështjellësi i filmit.
2. Diçka që përdoret si veshje e jashtme për një send tjetër, mbështjellëse. Mbështjellësi i ekranit.
3. bot. (lat. Vaginans) Që rrethon një kërcell ose një trup tjetër me anë të bazës që e mbështjell, si tek bishtakët e gjetheve të bimëve të familjes graminore.

MIKROFORMË

MIKROFÓRM/Ë,~A f. sh. ~A, ~AT teknol. Emërtim i përgjithshëm për mjete audiovizuale të nivelit mikro (mikrokartë, mikroskedë, kasetë mikrofilmi, bobinë mikrofilmi, kasetë me mikrofishë, shirit mikrofilmi etj.). Mikroforma kërkon pajisje të posaçme për lexim. Përdor makina leximi të mikroformave.

NJËSHTRESOR

NJËSHTRESÓR,~E mb., spec. Që ka një shtresë, që përbëhet prej një shtrese të vetme; që përbëhet nga një shtresë e vetme qelizash. Tel njështresor. Bobinë njështresore.

SINTONI

SINTONÍ,~A f. 1. tek. Përputhje e gjanisë së rikumbimit. Bobinë e sintonisë (radio.) brez i sintonisë.
2. fig. Bashkëpërkim, përputhje. Reagime që janë në sintoni të plotë. Ndërtime në sintoni me ambientin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë