Fjalori

Rezultate në përkufizime për “bluashkë”

Mëso si ta përdorësh
<<< Kthehu te kërkimi kryesor në fjalor

ASHKËL

ÁSHK/ËL,~LAI f. sh. ~LA, ~LAT Ashkë, copë e vogël dhe e hollë që shkëputet nga një dru kur e çajmë a e presim me sëpatë; copë e vogël, rrip i ngushtë që del nga një send prej metali, kur e përpunojmë me vegla prerëse. Ashkla druri. Ashkla metali (gize, çeliku, bakri). Mbledh (djeg) ashkla. Bëj ashkla.
✱Sin.: ashkël, bujashkë, bluashkë, ashër, citë, lashkë, flashkë, cifël, cipal, cokël, spirrë, spicë, thepje, bjezgë, rezhdë, gdhendël, grapcë, qenëz, zdrugulina, nishk, tishkë.
♦ Bën *kala me ashkla (dikush). Nuk i hiqet asnjë ashkël (dikujt). 1. Nuk shqetësohet fare, nuk bëhet merak aspak; nuk e prish gjakun (dikush). 2. Nuk ia ndërron dot mendjen, është kokëfortë; nuk merr vesh; s’ha (s’merr) pykë (dikush). E kam ashklën në thua shih e kam litarin (lakun, thikën, halën) në grykë. E ka kokën me ashkla (dikush) përçm. shih ka lakra në kokë (dikush). S’lëshon ashkël (dikush) shih s’ha (s’merr) pykë (dikush). Ia mbushi kokën me ashkla (dikujt) e mërziti me fjalë të kota e me cikërrima; e trullosi me llafe. Pret *dru e shet ashkla (dikush).

BLOSHKË

BLÓSHK/Ë,~A f. sh. ~A, ~AT Ashkël, bujashkë, bluashkë.

BLUASHKË

BLUÁSHK/Ë,~A f. sh. ~A, ~AT Ashkël e madhe që del nga sëpata, nga zdrukthi etj. kur presim a gdhendim një dru ose një metal, bujashkë, bjezgë, spicë. Bluashkë druri. Bluashkë metali. Copa bluashkash. Mbledh bluashka. Ndez zjarr me bluashka. Kur pret dru, dalin bluashka. (fj. u.).

BUJASHKË

BUJÁSHK/Ë,~A f. sh. ~A, ~AT 1. Copë e vogël nga një dru i çarë, ashkël; petëz e hollë dërrase që del nga zdrukthi; bluashkë, spicë. Bujashkë pishe. Bujashkë zdrukthi. Mbledh bujashka. Ndez zjarr me bujashka. E bëj një bujashkë copa-copa.
2. fig. Ngatërresë, pengesë, pështjellim. Të nxjerr bujashka kot së koti.
✱Sin.: ashkël, bluashkë, bjezgë, bëllore, ashër, lashkë, cifël, cipal, spicë, spirrë, thyezë, thepje, rezhdë, gdhendël, zdrugulina, shushull, zhibël, flegër, furfule.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë