Fjalori

Rezultate në përkufizime për “blegtor”

Mëso si ta përdorësh
<<< Kthehu te kërkimi kryesor në fjalor

BARI

BARÍ,~UI m. sh. ~NJ, ~NJTË 1. Ai që kullot, që ruan dhe që mbarështon bagëtinë; çoban, blegtor. Bari lopësh (dhensh, dhish, derrash). Bariu i fshatit. Kërraba e bariut. Fyelli i bariut. Do takohem me bariun, / Bëj të flë, gjumi s’më zë. (folk.). Po pate dhen, gjen edhe bari. (fj. u.). Dhentë pa bari i ha ujku një nga një. (fj. u.). Gjej njëherë bari, pastaj shko e bli dhi! (fj. u.). Gruaja pa gjilpërë e bariu pa kërrabë, nuk janë as grua, as bari. (fj. u.). Më mirë bari në shtëpi, se vali në Rumeli. (fj. u.). Bariu i mirë e ruan vetë vathën. (fj. u.).
2. fet. Prift i krishterë që shërben si udhëheqës i kujdesshëm shpirtëror i besimtarëve të vet. Bariu i besimtarëve. Bariu hyjnor. Fjala e bariut.
3. vet. sh. Krerët, të parët, prijësit e popullit të krishterë. Barinjtë e shpirtrave.
✱Sin.: çoban, blegtor, delmer, delmator, kullotës, ruajtës, skuter, fushamirë, gunëdhirë, qumështor.
♦ Bari (çoban) pa bagëti njeri i vetëm e i shkëputur nga njerëzit që drejton, pa ndjekës a pa pasues. Bari dhish keq. njeri i paditur e i pashkolluar. Blen *dhi pa gjetur barí (dikush) tall. Si *dhentë pa bari (pa çoban). Vë ujkun bari (dikush) iron. i ngarkoj një detyrë me përgjegjësi një njeriu të pandershëm e të pabesë në një lëmë ku ai patjetër do të dëmtojë; vë ujkun të ruajë delet (dhentë); i var ujkut mëlçinë në qafë.

BLEGTOR

BLEGTÓR,~E mb. Blegtoral. Vend blegtor. Jeta blegtore.

BLEGTOR

BLEGTÓR,~I m. sh. ~Ë, ~ËT Ai që merret me rritjen dhe me mbarështimin e bagëtive; punonjës i blegtorisë; bari. Blegtorët e rinj. Blegtor i vjetër.

BLEGTORAL

BLEGTORÁL,~E mb. Që lidhet me blegtorinë, i blegtorisë; që merret a që sigurohet nga blegtoria; që merret me blegtori, blegtor. Fermë blegtorale. Brigadë blegtorale. Ekonomi blegtorale. Prodhime blegtorale. Ekspozitë blegtorale.

DELMER

DELMÉR,~I m. sh. ~Ë, ~ËT arb. Bari dhensh, çoban, delmatar. Delmeri i fshatit.
✱Sin.: bari, çoban, blegtor, delmatar, kullotës, ruajtës, mashnor, tubanik.

FERMER

FERMÉR,~I m. sh. ~Ë, ~ËT Pronari i një ferme bujqësore ose blegtorale; bujk a blegtor që ka tokën e vet ose që e ka marrë me qira. Fermerë punëtorë.
✱Sin.: bujk, blegtor.

GJORQINAK

GJORQINÁK,~U m. sh. ~Ë, ~ËT hist. 1. Fshatar i varfër pa tokë dhe pa vegla pune.
2. Blegtor me pak bagëti, që i bashkon tufën me blegtorë të tjerë për kullotë; përzitës.
3. fig. Njeri pa familje e pa katandi, qyq.
✱Sin.: sembër, gjysmatar, qyqar.

LINDUR

LÍNDUR (i, e) mb. 1. Që ka lindur diku dhe është vendës po aty. Banor (vendës) i lindur.
2. edhe fig. Që e ka diçka që kur ka lindur e nuk e ka fituar më vonë gjatë jetës. Shtrembërim i lindur (anat.). Reflekse të lindura.
3. I vërtetë; i kulluar; që ka veti të tilla, të cilat e bëjnë shumë të aftë për një punë, që ka prirje të veçanta për diçka, shumë i zoti, shumë i aftë. Atdhetar i lindur. Lojtar (artist) i lindur. Bujk (kopshtar, blegtor) i lindur.
✱Sin.: vendës, i vërtetë, i kulluar, i zoti, i aftë.

QUMËSHTOR

QUMËSHTÓR,~III m. sh. ~Ë, ~ËT 1. Fëmijë që ushqehet me qumështin e nënës; fëmijë i vogël e i paformuar në trup. Me qumështorët merrej edukatorja.
2. vjet. Blegtor që sjell qumështin nga stani për ta shitur. Qumështori erdhi herët në mëngjes.

TAMBLAK

TAMBLÁK,~UII m. sh. ~Ë, ~ËT Shitës tambli; blegtor qumështi, qumështor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë