Fjalori

Rezultate në përkufizime për “bjeshkëtare”

Mëso si ta përdorësh
<<< Kthehu te kërkimi kryesor në fjalor

BAÇICË

BAÇÍC/Ë,~A f. sh. ~A, ~AT bised. 1. Gruaja që merret me përgatitjen e bulmetit, bjeshkëtare, bulmetore. Baçicë stani. Ku mblidhen shumë baçica, djathi mbetet pa u zënë. (fj. u.). Kush e ka nënën baçicë, s’e ha bukë thatë. (fj. u.).
2. arb. Amvisë, zonja e shtëpisë. Hyri macja e bëri baçicën hyri macja e u bë zonjë shtëpie. Ka ndërruar baçica ka ndërruar puna, janë të tjerë njerëz. Baçica e mirë - nderi i konakut. (fj. u.).
✱Sin.: amvisë, bjeshkëtare, bulmetore.

BJESHKËTAR

BJESHKËTÁR,~E [BJESHKATÁR,~E] mb. Që banon a që veron në bjeshkë; edhe poet. që lidhet me bjeshkët, i bjeshkëve, bjeshkor. Djalë bjeshkëtar. Kreshtë bjeshkëtare. Mbron interesat e shoqërive alpiniste bjeshkatare.

BULMETORE

BULMETÓR/E,~JA f. sh. ~E, ~ET 1. Dyqan bulmeti. Bulmetorja e lagjes. U ndërtuan shumë bulmetore.
2. Punishte për përpunimin e qumështit, punishte bulmeti. Punon në bulmetore.
3. Ajo që merret me përpunimin e bulmetit në punishtet e qumështit. Bulmetore e zonja.
✱Sin.: amvisë, bjeshkëtare, baçicë.

VERIMTARE

VERIMTÁR/E,~JA f. sh. ~E, ~ET Ajo që kalon verën a pushimet e verës diku, kryesisht në bjeshkë; bjeshkatare; kund. vërritare.
✱Sin.: veruese, bjeshkëtare.

VERUESE

VERÚES/E,~JA f. sh. ~E, ~ET Ajo që veron a e kalon verën diku; pushuese vere; verimtare; bjeshkëtare. U mbushën bjeshkët me verues dhe veruese.
✱Sin.: pushuese, beharuese.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë