Fjalori

Rezultate në përkufizime për “bitme”

Mëso si ta përdorësh
<<< Kthehu te kërkimi kryesor në fjalor

BIFKË

BÍFK/Ë,~A f. sh. ~A, ~AT 1. Degëz e njomë, e hollë dhe e drejtë; kërcell i hollë i bimës që sapo mbin; filiz, bimëz, bisk, mugull. Bifkë misri. Bifka e qepës (e lakrës). Bifkat e ullirit. Ka lëshuar (ka nxjerrë) bifkë.
2. Pipth i hollë e i shkurtër në majë të qylafit a të beretës së kokës. Qylaf me bifkë.
✱Sin.: filiz, bimëz, bisk, mugull, biskonjë, bilonjë, lastar, lavare, fiskajë, fillak, ngallë, skallua, trikë, pip (pipth), mënjollë, bitme, bitonjë, njomëz, rrënjëz, loze, thithak, kalem, fundak, sqetullore.

BISK

BIS/K,~KU m. sh. ~QE, ~QET 1. Degë e njomë, e hollë dhe e drejtë, filiz; kërcelli i hollë i bimës, që sapo mbin; bitme, bifkë, bilonjë, biskajë. Bisk i njomë (i ri). Bisku i lules. Bisk hardhie (ulliri, lisi). Bisk borziloku. Bisqe degësh. Nxjerr bisk. E ka trupin si bisk.
2. Dredhë, kamxhik, fshikull. I hoqi një bisk të mirë.
3. Vijë uji e vogël dhe e hollë; curril i hollë uji, gjaku etj.; fiskajë. Bisk uji. Bisk gjaku.
4. Gërshet i hollë flokësh; një fill i gërshetit. Bisqe të zinj.
5. Tufë, pjesë. Një bisk leshi.
6. Lloj qëndisjeje me dorë, në të cilën qepja bëhet e drejtë dhe pa ndërprerje.

BISKONJË

BISKÓNJ/Ë,~A f. sh. ~A, ~AT 1. Degë e hollë, e gjatë dhe e drejtë; bisk i ri, bifkë, bitme, bilonjë. Lëshoi biskonjë. Preu një biskonjë. E ka shtatin si biskonjë.
2. fig. Vajzë a grua me shtat të gjatë e të drejtë, vajzë a grua shtathedhur, shtatselvi. Moj biskonjë shtathedhur, / Mos e mbaj kokën mënjanë, / Se na përvëlove fshatin! (folk.).
✱Sin.: shtathedhur, shtatselvi, shtatderdhur, shtatbilonjë, shtatbukur, shtatlastar, truphedhur, trupfiliz, trupdrejtë, truphijshëm, bojalleshë, azgane, kalore.

BITME

BÍTM/E,~JA f. sh. ~E, ~ET Filiz i hollë që mbin nga fara e mbjellë ose që del në rrëzë të trungut të pemës; bifkë, mënjollë, bisk, mugull, biskonjë. Bitmja e lules. Bitmet e duhanit. Bitme fiku (rrapi). Rralloj (heq, këput) bitmet.
✱Sin.: bifkë, mënjollë, bisk, mugull, biskonjë, lastar, fizë.

BITONJË

BITÓNJ/Ë,~A f. sh. ~A, ~AT Bitme, bifkë, biskonjë. Qëroj bitonjat.

BYTHANË

BYTHÁN/Ë,~A f. sh. ~A, ~AT bised. Filiz që del në rrënjët e një druri, zakonisht në rrënjët e pemëve (të kumbullës, të fikut, të manit etj.); bitonjë, bitme. Bythana të njoma. Bythanat e trungut të manit.
✱Sin.: filiz, bitonjë, bitme.

BYTHKË

BÝTHK/Ë,~A f. sh. ~A, ~AT krahin. 1. Pjesa më e trashë që del nga liri ose kërpi kur e krehim; shtupë. Bythkë liri (kërpi). Fije bythke.
2. Cung druri, bythak.
3. bot. Filiz nga pjesa e poshtme e trungut; bitonjë.
✱Sin.: shtupë, greth, kërcu, kërçep, trung, cubak, cumër, fidan, bitme, fundak, bythanë.

FIDAN

FIDÁN,~I m. sh. ~Ë, ~ËT Bimë a pemë e re, që ka dalë nga fara a nga një shartesë dhe që shkulet për t’u rimbjellë në një vend tjetër; mënjollë, njomëz. Fidanë domatesh. Mbolli fidanët.
✱Sin.: rasat, farishtë, bitme, mënjollë, njomëz, filiz.

FIZË

FÍZ/Ë,~AI f. sh. ~A, ~AT Filiz; bitme e re. Fiza e dardhës.

LASTAR

LASTÁR,~I m. sh. ~Ë, ~ËT 1. Degë e njomë, e gjatë, e hollë dhe e drejtë, filiz; kërcell i hollë e i gjatë kryesisht i disa bimëve kacavarëse ose që shtrihen përtokë. Lastar i ri (i njomë). Lastar i gjatë. Lastar pemësh. Lastar ulliri (dardhe). Lastar rrushi. Lastar kungulli (domateje). Lëshoi lastarë. I këputi lastarët.
2. fig. Njeri me trup të gjatë, të drejtë e të zhdërvjellët.
✱Sin.: filiz, lumak, vishkull, vrushkull, kërcell, mugull, syth, bulë, thupër, degë, furatë, fidan, rasat, thithak, thithës, rremb, rrëfatë, rrënjëz, ngallë, ngallicë, krëndth, përpajnë, përparje, pipth, dredhkë, bilashnjok, cimak, mbishartesë, biskonjë, beronjë, bitonjë, bitme, kalem, fundak, fundçe, landare, smat, loze, smag, stërpik, pinjoll, sumbull, shpatull, trikë, bisk, bifkë, bimëz, rricë, dredhë, përdredhës, qerthull, bilonjë, fillak, mënjollë, endës, fregull, gem, grep, imshtak, fshikull, frushkull, fiskajë, çicërr, ngallë, bumbë, bumbeskë.
♦ Ha lastarë më të lartë (dikush) keq. e mban hundën përpjetë, del mbi të tjerët; shet mend; pështyn lart (përpjetë). Nuk lëshoi lastarë (dikush) shih iu shua pragu (dikujt).

MËNJOLLË

MËNJÓLL/Ë,~A f. sh. ~A, ~AT 1. Filiz i hollë, që mbin nga fara e mbjellë ose që del në rrëzë të trungut të një druri, bitme. Mënjollë ulliri (fiku, ahu). Një mënjollë selvie. Rriten mënjollat.
2. Degë e hollë; thupër. Këput (thyej) një mënjollë. E hollë si mënjollë. Mbi tokë, degët ndahen në degë dhe mënjolla më të vogla.
3. fig. Fëmijë a i ri që është shpresa e së ardhmes. Mënjolla e shtëpisë.
✱Sin.: fidan, bitme, bitonjë, fundak, rrënjomë, bythanë, bythkë, rroboç, thupër.

PIPË

PÍP/Ë,~AII f. sh. ~A, ~AT bot. (lat. Asparagus officinalis) Bimë barishtore shumëvjeçare, me fije të imëta e të vogla, me lule të gjelbra në të verdhemë dhe me bitme të tulta e me shije të ëmbël, që hahen sa janë të njoma; shparg.

PUNIL

PUNÍL,~I m. sh. ~E, ~ET 1. Bitme e bimës së duhanit.
2. Bisht i kokrrës së qershisë.

SHPARG

SHPAR/G,~GU m. sh. ~GJE, ~GJET bot. (lat. Asparagus officinalis) 1. Bimë barishtore shumëvjeçare, rreth një metër e lartë, me fije të imëta e të vogla, me lule të gjelbra në të verdhemë dhe me bitme të tulta e me shije të ëmbël, që hahen sa janë të njoma. Shparg i zier.
2. Brengë thiu, bar miu. Bimë zbukurimi me fije të imëta, të vogla e të dendura, që formojnë një kurorë të gjelbër e të bukur.

TAL

TAL,~I m. sh. ~E, ~ET 1. bot. Bitme, mënjollë, filiz i hollë.
2. biol. Aparat njëqelizor ose shumëqelizor te bimët e ulëta që nuk kanë rrënjë, kërcell, lule dhe fruta.
✱Sin.: bitme, mënjollë, filiz, degëz.

ËNDËZ

Ë́ND/ËZ,~A f. sh. ~A, ~AT Bitme, filiz, syth. Ëndëzat e hardhisë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë