Fjalori

Rezultate në përkufizime për “bishtnim”

Mëso si ta përdorësh
<<< Kthehu te kërkimi kryesor në fjalor

BISHTNI

BISHTNÍ,~A f. sh. ~, ~TË 1. Bishtnim, shmangie nga dikush a nga diçka. Bishtni nga puna (nga detyra).
2. Dredhi, dinakëri, hile. E shkon jetën me bishtni. E fituan ndeshjen me bishtni. Burri që bën bishtni në muhabet, s’është burrë! (fj. u.).
3. Të ikurit tinëz, largim fshehurazi i të tjerëve. Bëj bishtni iki, dredhoj, largohem tinëz.
4. Shfajësim me arsye të paqena; shkarki, justifikim.
✱Sin.: bishtnim, dredhi, dhelpëri, djallëzi, dinakëri, hile, skili, rreng, zhibël, mëkrejsë, sherri, mardha, marifet.

BISHTNIM

BISHTNÍM,~I m. sh. ~E, ~ET 1. Veprimi kur bishtnoj; dredhim. Pa bërë bishtnime e dredhi. Kishte ardhur koha e bishtnimit të vështrimeve.
2. Bishtni. Pengesa dhe bishtnime. Bishtnim i vështirësive.

DOBIÇLLËK

DOBÍÇLLË/K,~KU m. sh. ~QE, ~QET bised. Përpjekje për t’i bërë bisht punës, fjalës etj.; dredhi. Ia punoi me dobiçllëk.
✱Sin.: dredhë, hile, bishtnim.

DOKE

DÓK/E,~JA f. sh. ~E, ~ET Përpjekje për t’i bërë bisht punës; bishtnim; shkas; shkak për të mos bërë diçka. - Nuk të shkojnë doket me mua!

EVAZION

EVAZIÓN,~I m., libr. Shmangie e diçkaje që është e ligjshme a e moralshme; përvjedhje. Evazion fiskal (ek.) shmangie nga pagimi i taksës. Evazion në vjeljen e tyre. Ka evazion të fuqishëm fiskal. Nxisin evazionin dhe informalitetin.
✱Sin.: shmangie, përvjedhje, bishtnim.

PJERRINË

PJERRÍN/Ë,~A f. sh. ~A, ~AT 1. Pjerrësirë. Pjerrina e vende të thepisura.
2. fig. Bishtnim. Njihet për pjerrina, mos i beso shumë!

SHMANGIE

SHMÁNGI/E,~A f. sh. ~E, ~ET 1. Veprimi kur ndërroj drejtim. Shmangia e humbjeve (e gabimeve).
2. Largim nga një drejtim i caktuar; mospërputhje me diçka që merret si model a si bazë për krahasim; përmasat e këtij largimi a të kësaj mospërputhjeje. Shmangie e vogël (e parëndësishme). Shmangie nga drejtimi.
3. fiz. Largimi i gjilpërës magnetike të busullës nga meridiani magnetik për shkak të tërheqjes që ushtron një vendburim hekuri; këndi që formohet midis drejtimit të gjilpërës magnetike dhe meridianit (gjeografik) për shkak të mospërputhjes së poleve gjeografike me polet magnetike. Shmangie magnetike.
4. fig. Largim a shkarje nga vija themelore e një programi politik, e një teorie, e një doktrine. Shmangie nga e majta (nga e djathta).
5. fig. Largim nga diçka; moszbatim, shkelje. Shmangie nga norma e gjuhës letrare. Shmangie nga rregullat (nga parimet). Shmangie nga detyra (nga puna, nga shërbimi ushtarak).
✱Sin.: mënjanim, anashkalim, bishtnim, dredhim, dredhë, bishtni, ndërrim, parandalim, mërgim, shpëtim, shkarje, largim, përjashtim, mospërputhje, moszbatim, shkelje; shtrembërim, përthyerje, pjerrësi, lirim, ndreqje, përmirësim.

TERTIP

TERTÍP,~I m. sh. ~E, ~ET vjet. 1. Rregull që mbajmë në shtëpi, në punë, kur kryejmë një detyrë etj. Grua me tertip. Shtëpi me tertip. Sillej me tertip.
2. Paramendim, plan, marifet. Punonte me tertip. Bëri tertip. Ia punoi me tertip. Ia mori vesh tertipet. S’ka tertip (dikush) është pa plan; nuk ja merr mendja si do ta bëjë një punë.
3. Bishtnim, dredhi. Lëri tertipet, po na trego si qëndron e vërteta.
✱Sin.: rregull, paramendim, plan, marifet, bishtnim, dredhi, hile.

TURRAHI

TURRAHÍ,~A f., bised. 1. Dredhi në fjalë, qëndrimi i atij që i bën lak fjalës; bishtnim. Kur pyes për diçka, mos më bëni turrahi.
2. Zhurmë, potere që bën dikush kur është i inatosur. E priti gjithë turrahi.

TURRAHITJE

TURRAHÍTJ/E,~A f. Shmangie, dredhim, bishtnim nga biseda. Nuk ecet me turrahitje.

TËRCIVËRCE

TËRCIVË́RCE,~T f., vet. sh., bised. 1. Dëngla, pallavra, mburrje, tangërllëk, fjalë të kota. Lëri tërcivërcet, po shtroju punës. Janë mësuar me tëcivërcet e tij.
2. Bishtnim, shmangie, justifikim. S’ka tërcivërce me të. Puna është punë, s´ka tërcivërce.

TËRTHIM

TËRTHÍM,~I m. sh. ~E, ~ET 1. Veprimi kur kthehem a marr një kthesë; kthim, marrje kthese. Tërthim majtas. Tërthim djathtas.
2. fig. Dredhi, bishtnim, shmangie. Lëri tërthimet, po mbaj premtimet!
✱Sin.: kthim, dredhi, bishtnim, shmangie.

TËRTHORIM

TËRTHORÍM,~I m. sh. ~E, ~ET 1. Rënie tërthor. Tërthorimi i qytetit.
2. Përhapje (e degëve të një peme). Tërthorimi i hardhisë.
3. Shtriqje, shtrirje (gjymtyrësh). Tërthorimi i krahëve (i këmbëve).
4. Dredhim, bishtnim, shkelje (premtimi). Tërthorimi i fjalës nuk nderon askënd. Fol pa tërthorime!
✱Sin.: përhapje, shtrirje, shtriqje, dredhim, bishtnim, shkelje.

VRANXHELE

VRANXHÉL/E,~JA f. sh. ⁓E, ⁓ET Bishtnim i punës, shmangie. Ai po bën vranxhele ashtu për ditë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë